Արշավներ և ակտիվ հանգիստ Հայաստանում

Համշեն Տուր

Գերբացառիկ մեր շարքի շրջանակներում այս անգամ մեկնում ենք հոյակերտ Խորակերտի վանք։ Պատմական և ճարտարապետական մեծագույն նշանակությամբ այս սքանչելի կոթողը հայ-վրացական սահմանի անմիջական հարևանությամբ է (Վրաստանի տարածքում)։ Խորակերտ այցելելու համար պետք է հատուկ թույլտվություն, որն արդեն ունենք։ Միացեք եզակի ու բացառիկ այս ուղևորությանը և տեսեք ու շոշափեք անհասանելի թվացող այս գլուխգործոցը։ Ոչ բարդ քայլարշավն ընդհանուր լինելու է մոտ 8 կմ։ Արշավային հանդերձանքն ու արշավային կոշիկները պարտադիր են։ Մեկնելիս ֆուդկորտում դադար նախատեսվում է։ Գրանցվելու վերջնաժամկետը՝ սեպտեմբերի 15։ Գինը ներառում է՝ բարձրակարգ տրանսպորտը (Mercedes Sprinter), պրոֆեսիոնալ գիդի ծառայությունը, հատուկ թույլտվության ստացումը։

We Hike Armenia - Yerevan, Armenia

Շուտով մենք կուղևորվենք մեծ ճամփորդության Թուրքիայով, որի ընթացքում կբարձրանանք լեգենդար Արարատ լեռը (5137 մ), կտեսնենք Արևմտյան Հայաստանի ամենահետաքրքիր ճարտարապետական հուշարձաններն ու բնական տեսարժան վայրերը, կհամտեսենք տեղական խոհանոցը, ինչպես նաև կայցելենք Կարս քաղաք, որի փողոցներով ժամանակին զբոսնել է Ա. Ս. Պուշկինը: Ողջ ուղևորությունը կտևի 5 օր. 3 օր կանցկացնենք լեռան վրա, իսկ մնացած ժամանակը կհատկացնենք Արևմտյան Հայաստանի էքսկուրսիաներին: Վերելքի ծրագրում նախատեսել ենք նաև պահուստային օր, որը կարող է օգտագործվել եղանակային պայմանների վատթարացման դեպքում, ինչը մեծացնում է գագաթը հաջողությամբ նվաճելու հավանականությունը: Ընդհանուր քայլարշավի երկարությունը 35 կմ է:

Թրեյլո - Ցիտադել

Հոկտեմբերի 8–15 Բացահայտեք Իտալիայի Դոլոմիտյան Ալպերի կախարդական բնությունը Trailo-ի հետ։ Սա հնարավորություն է միանալու համախոհների խմբին, գտնելու նոր ընկերներ և անցկացնելու անմոռանալի օրեր լեռներում։

Armenian Geographic

ArmGeo Global-ի արտագնա արշավների շրջանակում իրականացվող բազմօրյա ուղևորություն դեպի Հիմալայներ: Մանրամասներին ծանոթանալու համար կարող եք անցնել bio-ում նշված հղումով:

Համշեն Տուր

Այցելություն մեր ամենասիրված ու պահանջված սահմանային կոթողներից մեկը՝ անկրկնելի ու շքեղ Խուճապի վանք։ Կտեսնեք Լոռվա հյուսիսի չքնաղ բնությունը՝ սաղարթախիտ անտառներ, արագահոս գետեր ու տպավորիչ լեռներ։ Մեր ուղևորության համար նախ կհասնենք Պրիվոլնոե գյուղ, որտեղից բեռնատարով կշարժվենք քայլարշավի մեկնարկի կետ, ապա անտառային արահետներով կքայլենք դեպի վանք։ Քայլարշավի տևողությունը՝ մոտ 6 կմ Բարդությունը՝ ոչ բարդ Արշավային հանդերձանքն ու արշավային կոշիկները պարտադիր են։ Վանքը գտնվում է սահմանային գոտում, ուստի անհրաժեշտ է ստանալ հատուկ թույլտվություն։ Գրանցվելու վերջնաժամկետը՝ մեկնումից առնվազն 35 օր առաջ: Գինը ներառում է տրանսպորտը (Mercedes Sprinter), բեռնատարով տեղափոխությունը, պրոֆեսիոնալ գիդի ծառայությունը և հատուկ թույլտվության ստացումը։ Գրանցման համար՝ 093 551485, 091 551485, 041 551485 (Viber / WhatsApp: +374 93 55 14 85)։

Հատիս Տուր

Երբևէ երազե՞լ ես հայտնվել աշխարհի ամենաբարձր գագաթի՝ Էվերեստի բազային ճամբարում, լինել բառացիորեն աշխարհի գագաթի դարպասների առաջ, նստել ճամբարում, ձեռքիդ մի բաժակ հայկական թեյ, իսկ դիմացդ՝ հպարտորեն վեր խոյացող հսկան՝ Էվերեստը։ Երազանքները չեն ծնվում, որպեսզի մնան անկատար, և այս ճանապարհորդությունը հենց քեզ համար է։ Ծրագրի ընթացքում մենք ոչ միայն կհասնենք Էվերեստի բազային ճամբար, այլ նաև կկատարենք վերելք դեպի Կալա Պատթար լեռը (5643 մ), որտեղ բացվում է Էվերեստի ամենանշանավոր ու շունչ կտրող տեսարաններից մեկը։ Ամբողջ տուրի ընթացքում մեզ կուղեկցեն հեքիաթային Հիմալայան լանդշաֆտները, աշխարհահռչակ Շերպաները և ջերմ, անկեղծ ու անմոռանալի մթնոլորտը, որը այս ճանապարհորդությունը կվերածի կյանքի ամենահզոր տպավորություններից մեկի։

Համշեն Տուր

Բացառիկ հնարավորություն հատուկ թույլտվությամբ այցելելու սահմանային փշալարերից այն կողմ գտնվող Սուրբ Շուշանիկ եկեղեցի (Շուշանավանք)։ Այս տպավորիչ կոթողը գտնվում է Ախուրյանի կիրճում՝ գետի անմիջական ափին, որի մյուս կողմում հայոց պատմական մայրաքաղաք Բագարանն է։ Ուղևորության ընթացքում նաև կայցելենք պատմական Երվանդաշատ և դիտակետից կտեսնենք Կողբասարն ու Ախուրյանի ու Արաքսի միախառնման վայրը։ - Քայլարշավի երկարությունը՝ մոտ 12 կմ - Հարաբերական բարձրությունը՝ շուրջ 300 մ - Ճանապարհի մի հատվածը (մոտ 7 կմ) կանցնենք գյուղական բեռնատարով Արշավային հանդերձանքն ու արշավային կոշիկները պարտադիր են։ Արժեքը ներառում է տրանսպորտը, բեռնատարով տեղափոխությունը, պրոֆեսիոնալ ուղեկցորդի ծառայությունը և սահմանային գոտու թույլտվության ստացումը։ Գրանցման վերջնաժամկետը՝ սեպտեմբերի 15։ Գրանցման համար զանգահարել 093 551485, 091 551485 կամ 041 551485 (նաև Viber/WhatsApp):

Համշեն Տուր

Գերբացառիկ այց դեպի պատմական Արտաշատ մայրաքաղաքի պեղումնավայր, որը տարածված է Արաքսի ափերին՝ Խոր Վիրապին հարակից բլուրների վրա: Քանի որ հնավայրը գտնվում է սահմանային գոտում, այցելության համար անհրաժեշտ է հատուկ թույլտվություն, որը տրամադրում է կազմակերպիչը: Լուսառատ գյուղից քայլարշավով կհասնենք Արաքս գետի ափամերձ հատվածի պալատական թաղամասի պեղումնավայր: Քայլարշավի տևողությունը՝ մոտ 5 կմ (ոչ բարդ): Նախընտրելի է արշավային հանդերձանք և կոշիկներ: Արժեքը ներառում է տրանսպորտ, գիդի ծառայություն և սահմանային գոտու թույլտվության ստացում: Գրանցման վերջնաժամկետը՝ սեպտեմբերի 22-ը: Մեկնումը՝ Թումանյան 8 հասցեից: Գրանցվելու համար՝ 093 551485, 091 551485, 041 551485 (Viber / WhatsApp: +374 93 55 14 85):

Համշեն Տուր

Հյուսիսային Լոռիի սահմանապահ կոթողներին նվիրված բացառիկ ուղևորություն, որի ընթացքում կբացահայտենք երբեմնի հունաբնակ Մադան գյուղը և Լալվարի անտառապատ լանջերին գտնվող Ջիլիզան։ Ծրագրում՝ • Այցելություն Մադան և Ջիլիզա գյուղեր • Ջիլիզայի հնամենի եկեղեցու ավերակները • Անտառային քայլարշավ դեպի միջնադարյան Գուգարքի հզոր Բազաբերդ (Չախալաբերդ) Քայլարշավն ընդհանուր մոտ 4 կմ է։ Նախընտրելի է ունենալ քայլարշավային հանդերձանք և կոշիկներ։ Ճանապարհին կլինի կանգառ ֆուդկորտում։ Քանի որ Ջիլիզան գտնվում է անմիջապես սահմանին, անհրաժեշտ է հատուկ թույլտվություն, որի համար պետք է գրանցվել մինչև սեպտեմբերի 20-ը։ Գրանցման համար զանգահարել 093 551485, 091 551485 կամ 041 551485 (Viber / WhatsApp՝ +374 93 55 14 85)։ Հանդիպման վայրը՝ Թումանյան 8։ Արժեքը ներառում է տրանսպորտը, գիդի ծառայությունը և սահմանային թույլտվությունը։

Armenian Geographic

ArmGeo Global-ի արտագնա արշավների շրջանակում՝ 15-օրյա վերելք դեպի աշխարհի ամենաբարձր գագաթի ստորոտը: Մանրամասներին ծանոթանալու համար կարող եք անցնել bio-ում նշված հղումով:

Համշեն Տուր

14-օրյա արշավախումբ Նեպալում՝ դեպի Հիմալայների սիրտը: Ծրագրում՝ Կատմանդու, թռիչք Լուկլա, Նամչե Բազար, Թենգբոչե վանք, Լոբուչե և վերջնակետ՝ Էվերեստի բազային ճամբար (5,363 մ): Վերելք Կալա Պատհար (5,545 մ)՝ արևածագը դիմավորելու համար: Արժեքը ներառում է՝ - Կատմանդու-Լուկլա-Կատմանդու ներքին թռիչքները - Տեղափոխումը և գիշերակացը երկտեղանի համարներում - Տեղացի և Համշեն տուրի ուղեկցորդների ծառայությունները - Բեռնակիրների օգնությունը - Բոլոր մուտքավճարներն ու թույլտվությունները - ՀՀ քաղաքացիների վիզան - 3-անգամյա սնունդ քայլարշավի ընթացքում և 2-անգամյա սնունդ Կատմանդուում Արժեքը չի ներառում Երևան-Կատմանդու-Երևան ավիատոմսերը: Մանրամասների և գրանցման համար՝ 093 551485, 091 551485, 041 551485 (Viber / WhatsApp):

North Peak Mountain Club - Կամանչա

Հրավիրում ենք բոլոր լեռնասերներին քայլելու դեպի աշխարհի ամենաբարձր գագաթ՝ հռչակավոր Էվերեստի բազային ճամբար (5364 մ)։ Ամբողջ ծրագրի ընթացքում մենք շրջապատված կլինենք Հիմալայան ձյունապատ հսկաներով, որոնց բարձրությունը մեծամասամբ գերազանցում է 6000 մետրը։ Ճանապարհորդության ընթացքում, բացի մեծ գագաթներից, տեսնելու ենք նաև խորը կիրճեր, գողտրիկ հովիտներ, արագահոս լեռնային գետեր, հսկա սառցադաշտեր, տեղացիների՝ շերպերի բարձրադիր գյուղեր․ ծանոթանալու ենք բուդդայական հին տաճարներին, զբոսնելու ենք Կատմադուի փողոցների քաոսում։ Ծրագիրն առաջարկվում է 2 տարբերակով՝ - Տարբերակ 1. Թրեքինգ դեպի Էվերեստի բազային ճամբար դասական երթուղիով + վերելք Կալա Պատհար (5640 մ) - 15 օր - Տարբերակ 2. Թրեքինգ դեպի Էվերեստի բազային ճամբար Գոկյո լճերի երթուղիով + վերելք Գոկյո Ռի գագաթ (5330 մ) - 18 օր Արժեքը ներառում է՝ - Ծրագրի կազմակերպում և ուղեկցորդի ծառայություններ - Տրանսֆերներ և Կատմանդու - Լուկլա - Կատմանդու ներքին թռիչքը - Գիշերակաց Կատմանդուի 3* հյուրանոցում և լոջա-հյուրատներում թրեքինգի ընթացքում - Երեքանգամյա սնունդ ամբողջ թրեքինգի ընթացքում - Բեռնակիրների ծառայություններ (2 մասնակցին 1 բեռնակիր, մաքս. 25 կգ) - Բոլոր թույլտվությունների և հարկային վճարները - Գալա-ընթրիք Կատմանդուում Արժեքը չի ներառում՝ միջազգային ավիատոմսերը, վիզան, թեյավճարները, անձնական հանդերձանքը և ապահովագրությունը: Անհրաժեշտ հանդերձանք՝ 2 ուսապարկ (25լ և 70լ), արշավական ձեռնափայտեր, թերմոհագուստ, թրեքինգային կոշիկներ, պրոֆեսիոնալ լեռնային հագուստ, քնապարկ (0°C-ից -5°C), արևապաշտպան միջոցներ, լապտեր: Գրանցումը համարվում է հաստատված արժեքը լրիվ կամ մասնակի փոխանցելուց հետո:

Armenian Geographic

Արշավային ծրագիր դեպի արևադարձային Էկվադոր, որի գլխավոր նպատակն է վերելքը հիասքանչ Չիմբորասո լեռ (6310 մ)։ Գրանցման համար զանգահարել 043 00 51 65 հեռախոսահամարով կամ գրել Armenian Geographic-ի էջին։

Armenian Geographic

Վերելք Աֆրիկայի ամենաբարձր կետը՝ Կիլիմանջարո (5895 մ): Ընտրվել է ամենակարճ և ամենահարմարավետ երթուղին՝ Մարանգուն։ 6-օրյա վերելքի ընթացքում գիշերակացերը կազմակերպվում են լեռնային հատուկ խրճիթներում։ Գրանցման կամ հարցերի դեպքում կարող եք զանգահարել 043 00 5165 հեռախոսահամարով կամ գրել Armenian Geographic ֆեյսբուքյան էջին։

Armenian Geographic

Կան վայրեր, որոնք պետք է տեսնել կյանքում գոնե մեկ անգամ, և կա Սվանեթը, որտեղ ուզում ես վերադառնալ անդադար։ Սա Վրաստանի ամենաբարձրադիր շրջանն է, որտեղ հնամենի պաշտպանական աշտարակները հազարամյակներ շարունակ հսկում են Կովկասյան լեռների անդորրը: Մանրամասներին և երթուղուն ծանոթացեք այստեղ՝ https://www.armgeo.am/hiking-svaneti/

ArmLand Adventure & Travel

11-օրյա արկածային ճամփորդություն Պերուի սրբազան վայրերով՝ Լիմայից մինչև Ինկերի կայսրության հնագույն մայրաքաղաք Կուսկո և խորհրդավոր Մաչու Պիկչու: Ծրագիրը ներառում է. - Լիմայի պատմական կենտրոնի և Հուակա Պուկլանա բուրգի այցելություն - Սրբազան հովիտ, Պիսաք, Օլլանտայտամբո և Մառասի աղի հանքեր - Ակտիվ օրեր. լեռնային հեծանվավազք Մալագայի լեռնանցքից, ռաֆթինգ Ուռուբամբա գետի վրա և զիփլայն - Արշավ ինկերի իրական արահետներով, ջրվեժների և սուրճի պլանտացիաների միջով - Վերելք Ծիածան լեռ (Վինիկունկա)՝ 5020մ բարձրության վրա - Խոհարարական դաս տեղացի խոհարարի հետ Կուսկոյում Արժեքը՝ 2980$ (մինչև 10 մասնակից) կամ 3720$ (10-ից ավել): Ներառված է՝ գիշերակաց (5* և 4* հյուրանոցներ, տեղական կացարաններ), նախաճաշեր, 3 ճաշ և 3 ընթրիք արշավային օրերին, տրանսպորտ, անգլախոս գիդ և լեռնային ուղեկցորդներ, բոլոր մուտքավճարները, գնացքի տոմսեր և անհրաժեշտ սպորտային գույք: Ներառված չէ՝ միջազգային թռիչքներ, Լիմա-Կուսկո-Լիմա թռիչքը, ապահովագրություն, վիզա և չնշված սնունդը: Գրանցման համար զանգահարել 044 88 00 58: