Օգտագործման պայմաններ
Վերջին թարմացումը՝ 9 ապրիլի, 2026թ․
Սույն Օգտագործման պայմաններում (այսուհետ՝ Պայմաններ) «մենք», «մեզ» և «Esora» եզրույթները վերաբերում են «Էսօրա» ՍՊԸ-ին։
Պայմանների ընդունումը
Օգտագործելով Esora հավելվածը կամ կայքը (այսուհետ՝ Հարթակ)՝ Դուք հաստատում եք Ձեր համաձայնությունը սույն Պայմաններին։ Եթե համաձայն չեք սույն Պայմաններին, խնդրում ենք չօգտագործել Esora-ն։
Ծառայության նկարագրությունը
Esora-ն միջոցառումների բացահայտման և տոմսերի ձեռքբերման հարթակ է։ Մենք օգնում ենք օգտատերերին գտնել տեղական միջոցառումներ, մշակութային իրադարձություններ, համերգներ, ցուցահանդեսներ, կինոցուցադրություններ և այլ առաջարկներ։
Esora-ում տոմսերի ձեռքբերման գործընթացը կարգավորվում է առանձին Վաճառքի պայմաններով։ Տոմսերի գնման, վճարման, վերադարձի և առաքման հետ կապված դրույթները ներկայացված են հենց այդ փաստաթղթում։
Օգտահաշիվ և մուտք
Esora-ի որոշ հնարավորություններից կարող եք օգտվել առանց մուտք գործելու, սակայն որոշ գործառույթներ, ներառյալ տվյալների պահպանումը, հետևումները, հիշեցումները և սինխրոնացումը, պահանջում են անձնական օգտահաշիվ։
Մուտք գործելիս Դուք պարտավորվում եք տրամադրել ճշգրիտ տվյալներ և ապահովել Ձեր օգտահաշվի անվտանգությունը։ Դուք կրում եք ամբողջական պատասխանատվություն Ձեր օգտահաշվով կատարված բոլոր գործողությունների համար։
Տեղեկատվություն միջոցառումների վերաբերյալ
Esora-ում ցուցադրվող տեղեկատվությունը կարող է ստացվել կազմակերպիչներից, անցկացման վայրերից, հանրամատչելի աղբյուրներից կամ հանդիսանալ Esora-ի սեփական բովանդակությունը։ Մենք ձգտում ենք ապահովել տվյալների ճշգրտությունը, սակայն չենք երաշխավորում, որ բոլոր տեղեկությունները միշտ կլինեն ամբողջական, ճշգրիտ կամ արդիական։
Մինչև միջոցառմանը մասնակցելը կամ տոմս ձեռք բերելը, խնդրում ենք ինքնուրույն ճշտել կարևոր մանրամասները, ներառյալ՝ ամսաթիվը, ժամը, վայրը, տարիքային սահմանափակումները և այլ պայմաններ։
Օգտագործման կանոնները
Դուք պարտավորվում եք օգտագործել Esora-ն բացառապես օրինական նպատակներով և ձեռնպահ մնալ այնպիսի գործողություններից, որոնք կարող են վնաս հասցնել մեզ, այլ օգտատերերի, կազմակերպիչների կամ երրորդ անձանց։
Արգելվում է՝
- Օգտագործել Հարթակն այնպիսի եղանակով, որը խախտում է կիրառելի օրենսդրությունը կամ երրորդ անձանց իրավունքները
- Փորձել շրջանցել, խաթարել կամ վնասել Հարթակի բնականոն աշխատանքը, անվտանգությունը կամ տեխնիկական ենթակառուցվածքը
- Օգտագործել ավտոմատացված համակարգեր, բոտեր, սկրիպտներ կամ զանգվածային հարցումներ այնպիսի ծավալով, որը գերազանցում է ողջամիտ օգտագործման սահմանները
- Առանց մեր նախնական թույլտվության պատճենել, վերաբաշխել կամ վերահրապարակել Esora-ի բնօրինակ բովանդակությունը, դիզայնը կամ նյութերը
- Օգտագործել Հարթակը խարդախ, մոլորեցնող կամ չարտոնված նպատակներով
Օգտահաշվի սահմանափակում և հեռացում
Մենք իրավունք ունենք ժամանակավորապես կամ մշտապես սահմանափակել կամ դադարեցնել Ձեր մուտքը Հարթակ, եթե հիմնավոր կերպով համարենք, որ Դուք խախտել եք սույն Պայմանները, վտանգում եք Հարթակի անվտանգությունը կամ վնասում եք այլ անձանց իրավունքները։
Դուք կարող եք ջնջել Ձեր օգտահաշիվը Հավելվածի կարգավորումներից։ Հաշվի ջնջման և տվյալների պահպանման մանրամասները ներկայացված են մեր Գաղտնիության քաղաքականությունում։
Մտավոր սեփականությունը
Esora-ն, դրա դիզայնը, ծրագրային լուծումները, ֆունկցիոնալությունը և Esora-ի կողմից ստեղծված բնօրինակ բովանդակությունը հանդիսանում են մեր կամ մեր իրավատերերի սեփականությունը և պաշտպանվում են մտավոր սեփականության մասին օրենսդրությամբ։
Միջոցառումների նկարագրությունները, պատկերները, լոգոները, անվանումները և այլ նյութերը կարող են պատկանել համապատասխան կազմակերպիչներին, անցկացման վայրերին կամ այլ իրավատերերի։
Երրորդ անձանց բովանդակություն և հղումներ
Esora-ն կարող է պարունակել երրորդ անձանց կողմից տրամադրված բովանդակություն, ինչպես նաև հղումներ դեպի այլ կայքեր կամ ծառայություններ։ Մենք չենք վերահսկում այդ ռեսուրսները և պատասխանատվություն չենք կրում դրանց բովանդակության, ճշգրտության կամ օգտագործման հետևանքների համար։
Երաշխիքների բացակայություն
Esora-ն տրամադրվում է «ինչպես կա» սկզբունքով։ Մենք չենք երաշխավորում, որ Հարթակը միշտ հասանելի կլինի, կաշխատի անխափան կամ առանց սխալների, կամ որ տեղադրված տեղեկատվությունը կլինի բացարձակապես ճշգրիտ կամ արդիական։
Պատասխանատվության սահմանափակումը
Esora-ն պատասխանատվություն չի կրում Հարթակի օգտագործման, անհասանելիության, տեխնիկական խափանումների կամ հրապարակված տվյալների վրա հիմնվելու հետևանքով առաջացած որևէ ուղղակի կամ անուղղակի վնասի կամ կորստի համար։
Գաղտնիությունը
Ձեր տվյալների մշակման մասին տեղեկությունը ներկայացված է մեր Գաղտնիության քաղաքականությունում։
Կիրառելի օրենսդրությունը և վեճերը
Սույն Պայմանները կարգավորվում են Հայաստանի Հանրապետության օրենսդրությամբ։ Սույն Պայմաններից ծագող վեճերը ենթակա են լուծման Հայաստանի Հանրապետության դատարաններում՝ ՀՀ օրենսդրությամբ սահմանված կարգով։
Պայմանների փոփոխությունը
Մենք կարող ենք ժամանակ առ ժամանակ թարմացնել սույն Պայմանները։ Փոփոխություններն ուժի մեջ են մտնում Հարթակում հրապարակվելու պահից։ Հարթակի շարունակական օգտագործումը նշանակում է, որ Դուք ընդունում եք փոփոխված պայմանները։
Ընկերության տվյալները
Esora-ն շահագործվում է «Էսօրա» ՍՊԸ-ի կողմից։
- ՀՎՀՀ՝ 08320165
- Գրանցման համար՝ 999.110.1574105
- Գրանցված հասցե՝ ՀՀ, քաղաք Երևան, Արաբկիր, Կիևյան փողոց, 12 շենք, 3 բն։
Հետադարձ կապ
Սույն Պայմանների վերաբերյալ հարցերի դեպքում կարող եք կապ հաստատել մեզ հետ՝ [email protected] հասցեով։
