Արշավներ և ակտիվ հանգիստ Հայաստանում

Armenian Geographic - Կազբեկ լեռ

ArmLand-ի կազմակերպած վեցօրյա արշավը դեպի Արարատի գագաթ (5137 մ) և պատմական քաղաքներ: Ծրագիր Օր 1. Երևան — Կարս (Կարսի բերդ, Սուրբ Առաքելոց եկեղեցի) — Բայազեթ: Օր 2. Տեղափոխություն ամենագնացներով մինչև 2200 մ, քայլարշավ դեպի առաջին ճամբար (3200 մ): Օր 3. Վերելք դեպի երկրորդ ճամբար (4100 մ), նախապատրաստում գագաթի վերելքին: Օր 4. Վերելք գագաթ (5137 մ)՝ սկիզբը գիշերը 01:00-02:00-ին: Վերադարձ Բայազեթ և տոնական ընթրիք: Օր 5. Բերկրիի ջրվեժ, Վանա լիճ, Ախթամարի Սուրբ Խաչ եկեղեցի և Տուշպա ամրոց: Օր 6. Անիի ավերակներ և վերադարձ Երևան: Արժեքը՝ $950: Մասնակցության մանրամասների համար մեկնաբանություններում գրել «Արարատ»:

Թրեյլո - Yerevan

7-օրյա վերելք դեպի Արարատի գագաթ և պատմական քաղաքների բացահայտում: Ծրագիրը՝ Օր 1. Երևանից դեպի Անի և Դոգուբայազիտ Օր 2. Վերելք դեպի առաջին ճամբար Օր 3. Վերելք դեպի երկրորդ ճամբար Օր 4. Վերելք Արարատի գագաթ Օր 5. Վերադարձ Դոգուբայազիտ Օր 6. Վանի բացահայտում Օր 7. Կարս և վերադարձ Երևան Գինը ներառում է՝ - Բժշկական և ճամփորդական ապահովագրություն - Վիզա - Հյուրանոց՝ նախաճաշով - Տրանսֆերներ - Վրանային ճամբարում անհրաժեշտ գույք - 3-անգամյա սնունդ վրանային ճամբարում - Տեղացի գիդի և հայ ուղեկցորդի ծառայություններ - Բեռնակիր ձիերի ծառայություն - Մուտքի տոմսեր Գինը չի ներառում սնունդը քաղաքային օրերի ընթացքում:

Սաֆարյան հայքինգ տուր

6-օրյա քայլարշավ Վրացական Ալպերում՝ սառցադաշտերի, լեռնանցքների և միջնադարյան բնակավայրերի միջով: Արշավը նախատեսված է միջին ֆիզիկական պատրաստվածություն ունեցողների համար: Երթուղի. Օր 1. Երևան — Մազերի Օր 2. Մազերի — Մեստիա Օր 3. Մեստիա — Զվաբիանի Օր 4. Զվաբիանի — Ադիշի Օր 5. Ադիշի — Իպրարի Օր 6. Իպրարի — Ուշգուլի Օր 7. Ուշգուլի — Լաղնուարի լեռ Արժեքը ներառում է տրանսպորտ, գիշերակաց, նախաճաշ, ընթրիք և ուղեկցում: Անհրաժեշտ պարագաներ. ուսապարկ, լեռնային կոշիկ, տերմո հագուստ, անջրանցիկ բաճկոն, բաֆ, արևապաշտպան գլխարկ, քսուք և ակնոց, լապտեր, թերմոս, քայլարշավային փայտեր, անձնական դեղատուփ: Գրանցման համար գրել Safaryan Hiking Tour-ին:

4 Peaks ալպինիստական ակումբ - Արարատ լեռ

4 Peaks Alpine Club-ի հատուկ արշավային ծրագիրը երեխաների համար: Ծրագրի տևողությունը՝ հուլիսի 29 - օգոստոսի 5:

Համշեն Տուր

Սասուն աշխարհի և համայն հայության խորհրդանշական ու առասպելական գագաթներից Մարաթուկն ու Ծովասարը նորից սպասում են մեզ, մեզ է սպասում նաև բացառիկ հնարավորությունը՝ բարձրանալու Անդոկ լեռը, որը երկար տարիներ փակ է եղել։ Հատուկ ծրագրով Դուք կարող եք ոչ միայն Մարութա սարի, Ծովասարի, Անդոկի գագաթներից լիաշունչ վայելել Սասնո հերոսական աշխարհը, այլ նաև շրջել Մուշում և Սասունում, տեսնել Մշո դաշտն ու Արածանին, անցնել խորհրդանշական ճամփաներով, վայելել շունչ կտրող տեսարաններ։ Իրապես տարբերող ուղևորություն և խիստ էմոցիոնալ վերելքներ են մեզ սպասում, խենթացնող զգացություններ՝ ամբողջ կյանքի համար։ Սասունցի Դավթի ու Սասնա ծռերի հետքերով, ռանչպարների կանչով։ Գինը ներառում է՝ - բարձրակարգ տրանսպորտը - 3+ աստղանի հյուրանոց - 2 անգամյա որակյալ սնունդ - պրոֆեսիոնալ գիդի ծառայությունը - տեղացի լեռնային ուղեկցորդի ծառայությունը - ամենագնացով տեղափոխությունը Չի ներառում մուտքի վիզան, այն պատրաստում է մեր ընկերությունը։ ԾՐԱԳԻՐ ՕՐ 1: Կտեսնենք Հայկական լեռնաշխարհի խոշորագույն լճերից Ծովակն Հյուսիսոն (Չըլդըրը), կանցնենք Սարիղամիշի անտառներով, Բասենում կտեսնենք Հովվի չքնաղագույն կամուրջը՝ կառուցված Մայր Արաքսի վրա։ ՕՐ 2: Վերելք Անդոկ։ Նախատեսվում է մոտ 11 կմ երկկողմանի երկարությամբ և մոտ 1100 մետր հարաբերական բարձրությամբ վերելք։ ՕՐ 3: Վերելք Մարաթուկ։ Գագաթին է Սբ Աստվածածին եկեղեցին։ Մի մասն իրականացվում է ամենագնացներով, քայլարշավային մասը մոտ 6 կմ է, հարաբերական բարձրությունը՝ մոտ 350 մետր։ ՕՐ 4: Վերելք Ծովասար։ Լանջերին է կառուցվել Դավթի բերդը, իսկ լեռան վրա բազմաթիվ լճակներ կան։ Նախատեսվում է մոտ 15 կմ երկկողմանի երկարությամբ և մոտ 1000 մետր հարաբերական բարձրությամբ վերելք։ ՕՐ 5: Մուշ, Մշո դաշտ, Արածանի գետ ու Սուլուխի կամուրջ, ինչպես նաև Սբ Մարինե եկեղեցին և հայկական թաղը։

ՀՈՐԱՅԶՈՆՍ - Արարատ լեռ

Գրանցման և մանրամասների համար կարող եք գրել էջին կամ զանգահարել 094 887622, 098 382850 հեռախոսահամարներով:

ArmWay արշավական ակումբ

4-օրյա հատուկ մշակված արշավ՝ Արարատի գագաթը նվաճելու համար։ Ծրագիրը ներառում է ամենօրյա ադապտացիա բարձրությանը և այցելություն պատմական Կարս։ Օր 1 – Մեկնում Երևանից, ուղևորություն Վրաստանով և Թուրքիայով դեպի Դողուբայազիդ, վերելք մինչև 3200 մ բարձրություն։ Օր 2 – Վերելք 3200 մ-ից մինչև 4200 մ բարձրության ճամբար (մոտ 5–6 ժամ)։ Օր 3 – Գիշերային վերելք դեպի գագաթ (5137 մ) և վերադարձ բազային ճամբար։ Օր 4 – Վերադարձ Հայաստան Իգդիրի և Կարսի վրայով։ Կարսում կայցելենք հին բերդը, եկեղեցիներն ու կամուրջները։ Մասնակցության պայմանների համար հաղորդագրություն ուղարկեք @armway_hiking_club էջին։

North Peak Mountain Club - Իսհակ փաշայի պալատ

Հրավիրում ենք բոլոր լեռնասերներին բարձրանալու Հայկական լեռնաշխարհի ամենաբարձր գագաթ՝ Արարատ լեռը (5137 մ / 5165 մ) և կատարելու ճանաչողական այց Արևմտյան Հայաստանի որոշ տեսարժան վայրեր: Արարատը համարվում է համեմատաբար թեթև 5000+ գագաթ, որի վերելքը ճանապարհ է բացում դեպի ավելի մեծ ու բարդ լեռներ։ Ծրագիրն ըստ օրերի․ Օր 1. Երևան - վրաց-թուրքական սահման - Անի - Բայազետ Ուղևորվում դեպի վրաց-թուրքական սահման: Սահմանն անցնելուց հետո կունենանք դադար Ծովակն Հյուսիսո լճի մոտ, ինչից հետո կայցելենք Բագրատունիների թագավորության մայրաքաղաք Անի, որտեղ շրջելուց հետո կուղևորվենք Բայազետ: Ճանապարհին կունենանք նաև կանգառ Կողբի աղի հանքում: Գիշերակացը հյուրանոցում: Օր 2. Առաջին ճամբար (3200 մ) Բայազետի հյուրանոցից լեռնային մեքենաներով կբարձրանանք մինչև 2200 մ, որտեղից սկսելու ենք վերելքը: Թեթև ուսապարկերով քայլելու ենք 4-5 ժամ մինչև 3200 մ-ի վրա գտնվող առաջին ճամբարը, որտեղ կունենանք գիշերակաց վրաններում: Ծանր ուսապարկերը և գիշերակացի գույքը ամբողջ վերելք-վայրէջքի ընթացքում տեղափոխվելու են ձիերով: Օր 3. Երկրորդ ճամբար (4000 մ) Վերելք մինչև 2-րդ ճամբար` 4000 մ: Գիշերակացը վրաններում: Oր 4. Վերելք գագաթ (5137 մ) և վայրէջք մինչև ստորոտ: Վերելքը սկսում ենք գիշերը 01:00 - 02:00, որպեսզի առավոտյան լինենք գագաթին: Գագաթին լուսանկարվելուց և հաջող վերելքը նշելուց հետո, վերադառնում ենք 4000 մ ճամբար, հանգստանում ենք, հավաքում իրերը և իջնում մինչև ստորոտ: Գիշերակացը Բայազեթի հյուրանոցում: Օր 5. Բայազետ - Կարս - Երևան Առավոտյան նախաճաշից հետո ուղևորվում ենք Կարս, որտեղ կտեսնենք Սբ. Առաքելոց եկեղեցին ու Կարսի բերդը, ինչից հետո կվերադառնանք Երևան: Կախված եղանակային պայմաններից՝ հնարավոր է ևս մեկ օր գիշերել լեռան վրա, որի համար մասնակիցներից լրացուցիչ ծախս չի պահանջվի: Սկսած վրաց-թուրքական սահմանից մինչև գագաթ և հետ մինչև սահման մեզ ուղեկցելու է տեղացի փորձառու ուղեկցորդը, իսկ վերելքի ժամանակ նաև խոհարարը և 2-րդ ուղեկցորդը: Արժեքի մեջ ներառված է` ծրագրի կազմակերպումը, տրանսպորտ, հյուրանոց ստանդարտ երկտեղանոց կամ 3 տեղանոց համարներով (2 գիշեր), սնունդը ամբողջ ծրագրի ընթացքում, փորձառու լեռնային ուղեկցորդների ծառայությունները, խոհարարի ծառայությունները, բոլոր տեսարժան վայրերի մուտքի տոմսերը, վրանների, կարիմատների, կատվիկների տրամադրումը, բեռնակիր ձիերի վարձակալությունը և վերելքի թույլտվությունը: Գինը չի ներառում վիզայի արժեքը, բժշկական ապահովագրությունը և անձնական ծախսերը: Վերելքը հաջուղությամբ կատարած մասնակիցներին կտրամադրվի North Peak լեռնային ակումբի և Ալպինիզմի և լեռնային տուրիզմի հայկական ֆեդերացիայի կողմից հաստատված հավաստագիր: Մասնակցության համար անհրաժեշտ է ունենալ` 2 ուսապարկ (20-25լ և 60-70լ), արշավական ձեռնափայտեր, թերմոհագուստ, ջրակայուն լեռնային կոշիկներ և հանդերձանք, տաք հագուստ, ձմեռային գլխարկ, ձեռնոցներ, զանգապաններ, փոխնորդ հագուստ և կոշիկներ, արևապաշտպան միջոցներ, քնապարկ (0°C-ից -5°C), անհատական հիգիենայի պարագաներ, դեղատուփ, գլխի լապտեր, թերմոս 1լ, անձրևապաշտպան թիկնոց և քամուց պաշտպանող բաճկոն: Գրանցվելու և հարցերի համար զանգահարել +37443004090 կամ +37493850385 (նաև Viber, WhatsApp, Telegram): Գրանցումը համարվում է հաստատված տուրի արժեքը լրիվ կամ մասնակի փոխանցելուց հետո.

Համշեն Տուր

Հնգօրյա լեռնագնացային տուր Արևմտյան Հայաստանում, որն ընդգրկում է վերելք Արարատ լեռան գագաթ և այցելություններ պատմական նշանակալի վայրեր: Ծրագրում՝ • Վերելք Արարատի գագաթ • Անիի ավերակներ • Բայազետ Արժեքը՝ 700 դոլարին համարժեք դրամ: Գրանցման և հարցերի համար զանգահարել 093 55 14 85, 091 55 14 85 կամ 041 55 14 85 հեռախոսահամարներով, կամ այցելել Թումանյան 8 հասցեով:

Համշեն Տուր

Յոթօրյա արշավախումբ, որը համատեղում է Մասիսի վերելքը և պատմական Արևմտյան Հայաստանի բացահայտումը։ Փորձառու թուրքագետ-լեռնագնացների ուղեկցությամբ կհաղթահարենք բիբլիական լեռան գագաթը և կայցելենք հայկական մշակութային ժառանգության կարևորագույն հուշարձանները։ Ծրագրի աշխարհագրությունը՝ • Անիի ավերակներ, Ծովակն Հյուսիսո լիճ, Իգդիր • Բայազետի բերդ և Իսահակ փաշայի պալատ • Վանա լիճ, Աղթամար կղզի, Սուրբ Խաչ եկեղեցի, Բերկրիի ջրվեժ • Կարս. Առաքելոց եկեղեցի, Վարդանի կամուրջ, Չարենցի տուն Վերելքի ընթացքը՝ • Բեռների տեղափոխումը ձիերով • Գիշերակաց առաջին (3200 մ) և երկրորդ (4200 մ) վրանային ճամբարներում • Գագաթի վերելքը կեսգիշերին (մոտ 6․5 ժամ) Արժեքը ներառում է՝ • Տրանսպորտ (Mercedes Sprinter/VW) • Գիշերակաց հյուրանոցում (Բայազետ) և վրաններում • Սնունդ (այդ թվում՝ տաք սնունդ լեռան վրա, տոնական ճաշեր) • Պրոֆեսիոնալ ուղեկցորդների և գիդերի ծառայություններ • Վրանի, ներքնակի և կատվիկների տրամադրում • Մուտքավճարներ և նավարկություն Վանա լճում • Նախապատրաստական վերելքներ Հայաստանում Լրացուցիչ ծախսեր՝ Թուրքիայի մուտքի վիզա (17,000 դրամ): Գրանցման համար՝ 093 551485 (Viber/WhatsApp):

Սաֆարյան հայքինգ տուր - Կազբեկ լեռ

Բարդ վերելք Կովկասյան լեռների ամենատպավորիչ գագաթներից մեկը։ Արշավը նախատեսված է փոքր խմբի համար՝ ապահով և գիտակցված տեմպով ճանապարհը վայելելու համար։ Տևողությունը՝ 6 օր + 1 պահուստային օր։ Մանրամասների և գրանցման համար զանգահարել 093 609 000։

Armenian Geographic

ArmGeo Global-ի արտագնա արշավների շրջանակում իրականացվող վերելք Եվրոպայի ամենաբարձր գագաթը՝ Էլբրուս։

ARI Hiking Club - Արարատ լեռ

Հնգօրյա վերելք Արարատ լեռան գագաթը: Գրանցման և հարցերի համար զանգահարեք 094 274 654 հեռախոսահամարով կամ ուղարկեք հաղորդագրություն:

We Hike Armenia - Yerevan, Armenia

Հինգօրյա ինտենսիվ վերելք Արարատ լեռան երկու գագաթներին՝ նախատեսված նրանց համար, ովքեր ցանկանում են տեսնել երկուսն էլ սեղմ ժամկետներում։ Հարցերի և ամրագրման համար կարող եք զանգահարել +37444301076 հեռախոսահամարով կամ գրել @wehike.am հասցեին:

Armenian Geographic

ArmGeo Global-ի արտագնա արշավների շրջանակում կազմակերպվում է վերելք Քաջքար լեռ։

ArmLand Adventure & Travel

Վերելք Եվրոպայի ամենաբարձր գագաթը՝ Էլբրուս (5642մ)։ Լեռան ալպինիստական բարդությունը՝ 1B: Վերելքի մասնակցության համար լեռնագնացության փորձը պարտադիր է։ Երթուղի Օր 1․ Երևան - Տերսկոլ։ Ճանապարհի տևողությունը՝ 13-14 ժամ։ Օր 2․ Ազաու - “Приют 11” (4100մ)։ Բարձրացում ճոպանուղիով մինչև 4000մ, ապա քայլարշավ։ Օր 3․ Կլիմայավարժեցում մինչև Պաստուխովի ժայռ (4800մ)։ Օր 4․ Վերելք գագաթ (5642մ)։ Մեկնարկը՝ 00:00-01:00-ին։ Վերելքը տևում է 12-13 ժամ։ Օր 5․ Ազաու - Ստեփանծմինդա։ Օր 6․ Վերադարձ Երևան։ Օր 7․ Պահեստային օր (եղանակի պատճառով օգտագործելու դեպքում՝ հավելավճար 2000-2500₽)։ Անհրաժեշտ հանդերձանք՝ պրոֆեսիոնալ լեռնային համազգեստ և կոշիկներ, թերմո հագուստ, քնապարկ (-5 -10 C), լեռնային ակնոց, գլխի լապտեր, սառցահատ, կատվիկներ, անվտանգության գոտի, զսպանակակեռիկներ (карабин), ուսապարկեր (60-70լ և 20-35լ)։ Արժեքը՝ 965$։ Ներառում է տրանսպորտը, գիշերակացը, ծանր ուսապարկերի տեղափոխումը Ратрак-ով, ճոպանուղու տոմսերը, ուղեկցորդների ծառայությունը, թույլտվությունները և փրկարարական ծառայությունը։ Չի ներառում սնունդը լեռան վրա և անձնական հանդերձանքը։ Գրանցման համար զանգահարել 044 88 00 58 կամ լրացնել ձևաթուղթը՝ https://forms.gle/K9a9Xwf3aZo3eoPN8

110 Places Hiking Club

Արարատը պարզապես լեռ չէ: Այն զգացողություն է, որը դժվար է բառերով նկարագրել: 2026-ի ամենասպասված վերելքներից մեկը մեզ տանում է դեպի Բիբլիական Արարատ՝ ուժեղ զգացողություններով, մեծ հաղթահարումներով և հիշվող օրերով լի ճանապարհով: 7 օր բնության, հաղթահարման, միասնականության ու անմոռանալի տպավորությունների մեջ: Ունենք նաև զեղչային համակարգ: Գրանցվելուց հետո մեզ հետ յուրաքանչյուր արշավի մասնակցելիս կստանաք 1% զեղչ: Օրինակ՝ եթե մինչև վերելքը մասնակցեք 10 արշավի, ապա կունենաք 10% զեղչ: Նաև ունեք մաս-մաս վճարելու հնարավորություն: Արարատի վերելքին գրանցվելուց հետո կստանաք 20% զեղչ Sports and Outdoor Station խանութ-սրահից, իսկ ձեր գնումներից խանութ-սրահը կփակի ձեր վերելքի արժեքից մի հատված՝ կախված գնումների չափից՝ 10,000–20,000 դրամ: Արժեքի մեջ ներառված է՝ • Տրանսպորտ • Հյուրանոց • Սնունդ • Խմբավարի ծառայություն • Հայ և քուրդ ուղեկցորդների ծառայությունները • Վիզայի արժեքը ՀՀ քաղաքացիների համար • Բոլոր տեղաշարժերի մուտքի տոմսերը • Վրանների, ներքնակների և քնապարկերի տրամադրում • Ձիերի վարձակալությունը • Արարատի վերելքի վկայական

Բոուլդերլենդ Երևան - Yerevans

Boulderland-ը առաջին անգամ կազմակերպում է ժայռամագլցման ճամբար Հայաստանի սահմաններից դուրս՝ Վրաստանի ամենագեղեցիկ շրջաններից մեկում։ Մեստիա լեռնային գյուղը կդառնա մեր բազան՝ ուսումնասիրելու տեղի ժայռերը և բարելավելու մագլցման հմտությունները։ Ծրագիրը ներառում է. — Ծանոթություն սարքավորումներին և դրանց ճիշտ կիրառում — Աշխատանք պարանով և հիմնական հանգույցների ուսուցում — Կայանների պատրաստում և հավաքում — Մագլցում ստորին և վերին ապահովմամբ — Պրակտիկա բնական ժայռերի վրա (5B–6A+ և բարձր) Ճամփորդության ընթացքում նախատեսված է նաև քայլարշավ Սվանեթիի լեռներով, այցելություն Թբիլիսիի Monument 40-մետրանոց արհեստական պատ և զբոսանք Հին Թբիլիսիով։ Արժեքը ներառում է. — Տրանսֆեր Երևանից և տեղաշարժերը ողջ տուրի ընթացքում — Գիշերակաց հյուրատանը — Նախաճաշ և լանչբոքսեր — Հրահանգչի ծառայություններ — Անվտանգության հանդերձանք Ամրագրման համար գրել @HrachyaPogosov-ին:

Թռիչք հայքինգ ակումբ - Հանրապետության փողոց 58, Երեւան, Հայաստան

Սկսեք պատրաստվել՝ ԹՌԻՉՔ֊ը գնում է դեպի երազանքի գագաթ` ԱՐԱՐԱՏ Լեռ 5165մ։ Մեր ճամփորդությունը հատկանշական կլինի ոչ միայն վերելքով, այլև Պատմական Հայաստանի բազմաթիվ պատմամշակութային կոթողների այցելությամբ։ Օր 1։ Առավոտյան` ժամը 04։00֊ին, Գարեգին Նժդեհի արձանի մոտից շարժվում ենք դեպի հայ֊վրացական սահման։ Հատելով սահմանը մինչև վրաց֊թուրքական սահման, մեզ ուղեկցելու են Ջավախքի չքնաղ տեսարանները։ Այնուհետև ճանապարհ կընկնենք դեպի պատմական "հազար ու մեկ եկեղեցիների մայրաքաղաք" Անի, բացառիկ կառույցների և պատմության ողջ ուժը վերապրելուց հետո` կշարունակենք մեր ճանապարհը դեպի Բայազետ։ Օր 2։ Առավոտյան ամենագնացներով կբարձրանաք առաջին վրանային ճամբար 3200մ բարձրության վրա։ Օր 3։ Առավոտյան, նախաճաշից հետո, կսկսենք վերելքը դեպի 4200մ` 2֊րդ վրանային ճամբար։ Օր 4։ Կեսգիշերին կսկսենք մեր վերելքը, որպեսզի առավոտյան արդեն լինենք լեռան գագաթին։ Իհարկե լեռան ու եղանակի թույլտվությամբ կտեսնենք յուրաքանչյուրիս ամենաբաղձալի երազանքը` Հայաստանը, իր ծով լեռներով։ Այնուհետև կիջնենք մինչև առաջին վրանային ճամբար` 3200մ։ Երեկոյան կնշենք մեր վերելքը Բայազետում։ Օր 5։ Նախաճաշից հետո կուղևորվենք Վան քաղաք։ Կտեսնենք Վանա լիճը, կայցելենք Ախթամարի Սուրբ Խաչ եկեղեցին, Վանի Բերդը, կլողանք լճում։ Օր 6։ Առավոտյան կուղևորվենք Կարս քաղաք, կայցելենք Կարսի բերդը, կտեսնենք Սուրբ Առաքելոց եկեղեցին և կվերադառնանք Երևան։ Եղանակային պայմաններից ելնելով` 1 օր հնարավոր է հավելյալ անցկացնենք վրանային ճամբարում, ինչը հավելյալ ծախսեր չի պահանջի։ Արժեքը ներառում է` տրանսպորտ բոլոր ուղղություններով, 3 օր բարձրակարգ հյուրանոցում, սնունդը վերելքի ընթացքում, տեղացի ուղեկցորդների ծառայություն, տեսարժան վայրերի մուտքավճարներ, վրանների, կատվիկների և ձիերի վարձույթ։ Արժեքի մեջ ներառված չէ դեպի Թուրքիա վիզայի արժեքը և քաղաքային սնունդը։ Արարատի վերելքը պահանջում է հատուկ պատրաստվածություն։ Մենք միասին կնախապատրաստվենք հատուկ վերելքների ընթացքում: Խմբում կիրականացնենք հանդիպումներ և խորհրդատվություն գույքի և հանդերձանքի ընտրության հարցում։

Վերելք Արշավական Ակումբ - Արարատ լեռ

Յոթօրյա արշավ դեպի Արարատ լեռան երկու գագաթները՝ Սիս և Մասիս: Ծրագրում ներառված են նաև այցելություններ պատմական Անի և Կարս քաղաքներ: Արշավին կարող են մասնակցել արշավական փորձ ունեցող և 5000+ մետր բարձրությունների համար նախատեսված համապատասխան հանդերձանք ունեցող մասնակիցները: Գրանցման կամ հարցերի համար զանգահարել 094 72 98 14 կամ գրել անձնական նամակով:

North Peak Mountain Club - Էլբրուս լեռ

North Peak լեռնային ակումբը հրավիրում է փորձառու լեռնասերներին բարձրանալու ՌԴ և Եվրոպայի ամենաբարձր գագաթ Էլբրուսը (5642 մ) 2026 թվականին: Ծրագիրն անցկացվելու է 7 օր, 6 գիշեր տևողությամբ: Օգոստոսի վերելքի ծրագիրը․ Օր 1. Երեկոյան մեկնում ենք Երևանից, որպեսզի հայ-վրացական և վրաց-ռուսական սահմաններն անցնենք գիշերով, հնարավորինս խուսափելով հերթերից: Օր 2. Ժամանում Տերսկոլ բնակավայր (Կաբարդինո-Բալկարիա), պակասող գույքի վարձակալում, գիշերակաց հյուրանոցում: Օր 3. Մեկնում ենք Ազաու, որտեղից ճոպանուղիով բարձրանում ենք մինչև 3850 մ: Այստեղից սկսում ենք վերելքը դեպի Պաստուխովի ժայռեր` 4700 մ: Այս բարձրության վրա որոշ ժամանակ անցկացնելուց հետո կրկին իջնում ենք դեպի ճոպանուղի: Գիշերակացը հյուրանոցում: Oր 4. Առավոտյան մեկնում ենք Ազաու, ճոպանուղիով բարձրանում մինչև 3850 մ «Գարաբաշի» կայանը: Այստեղից ոտքով կբարձրանանք մինչև 4050 մ-ի վրա գտնվող «Պրիյուտ 11» կացարանը, իսկ ծանր իրերը կբարձրացվեն ռատրակով։ Ակլիմատիզացիոն վերելք դեպի «Կոսայա պոլկա» տեղամաս (5100 մ): Գիշերակացը «Պրիյուտ 11-ում»: Օր 5. Հանգստի օր: Օրվա ընթացքում կանցկացնենք ձնա-սառցային պարապունք, որի ժամանակ կսովորենք աշխատել սառցահատի հետ և ձնա-սառցային ռելիեֆով քայլելու ճիշտ տեխնիկան: Օր 6. Գիշերը 00:00 սկսում ենք վերելքը դեպի Էլբրուսի արևմտյան գագաթ (5642 մ): Գագաթից վերադառնում ենք 4050 մ ճամբար, հանգստանում, հավաքում իրերը և իջնում մինչև Ազաու: Գիշերակացը` Տերսկոլում: Օր 7. Մեկնում Երևան: Օր 8-9. Պահուստային օրեր վատ եղանակի դեպքում (ծախսերը հոգում է կազմակերպիչը): Արժեքի մեջ ներառված է` տրանսպորտ Երևան - Տերսկոլ - Երևան, հյուրանոց Տերսկոլում (3 գիշեր), սնունդը վերելքի ընթացքում, նախաճաշերը Տերսկոլում և տոնական ընթրիք, ուղեկցորդների ծառայությունները (3-4 մասնակցին մեկ ուղեկցորդ), կացարանի վարձակալությունը («Պրիյուտ 11», 2 գիշեր), ռատրակ միայն բարձրանալիս, ճոպանուղու տոմսերը: Արժեքի մեջ ներառված չէ` անհատական գույքի վարձակալությունը, սնունդը Տերսկոլում (բացի նախաճաշից), պարտադիր ապահովագրությունը: Անհրաժեշտ է ունենալ` 2 ուսապարկ (25լ և 70լ), արշավական ձեռնափայտեր, թերմոհագուստ, պրոֆեսիոնալ լեռնային կոշիկներ, մեմբրանային հագուստ, տաք ֆլիսե հագուստ, գլխարկ, բալակլավա, ձեռնոցներ, կատվիկներ, սառցահատ, ապահովման համակարգ, արևապաշտպան միջոցներ (cat 3-4), քնապարկ (0°C-ից -5°C), լապտեր, թերմոս: Գրեթե ամբողջ գույքը կարելի է վարձակալել տեղում: Գրանցումը համարվում է հաստատված արժեքը լրիվ կամ մասնակի փոխանցելուց հետո: IDBank - 4318270000320737 INECOBANK - 2050078972621001 IDram - 154413248

Համշեն Տուր

Երազո՞ւմ եք բարձրանալ Մասիսի գագաթ։ Առաջարկում ենք 5-օրյա հատուկ ծրագիր, որը կենտրոնացած լինելով Մասիսի վերելքի վրա՝ առաջարկում է նաև Արևմտյան Հայաստանում տեսնել մի շարք հրաշալիքներ, ինչպիսիք են Անին, Ծովակն Հյուսիսո լիճը, Արաքս գետը, Բայազետ-Դարոյնքի բերդն ու ավելին։ Մեր փորձով ու մասնագիտական հմտություններով սա լավագույն ընտրությունը կլինի հիշարժան ու ապահով վերելքի համար։ Առավելությունները՝ - Հայ թուրքագետ լեռնային ուղեկցորդի ուղեկցությունը ամբողջ ընթացքում - Մատչելի գին ամենահագեցած փաթեթի համար - Այցի մշակութային մասի մանրամասն և բովանդակալից մատուցում - Անհատական աշխատանք յուրաքանչյուր մասնակցի հետ Գինը ներառում է՝ - Տեղափոխություն հարմարավետ միկրոավտոբուսներով - Հյուրանոց Բայազետում և վրանային գիշերակացեր Մասիսի ճամբարներում - Երեքանգամյա սնունդ վերելքի ընթացքում և տոնական ճաշ Բայազետում - Տեղացի և հայ պրոֆեսիոնալ ուղեկցորդների ծառայություններ - Զեղչեր հանդերձանք գնելու համար, վկայական և հուշանվերներ - Անվճար նախապատրաստական վերելքներ և բոլոր մուտքավճարները - Վրան, ներքնակ, կատվիկներ Չի ներառում՝ Թուրքիայի մուտքի վիզան և առաջին օրվա սնունդը։ Ծրագիրը՝ Օր 1. Երևան-Ախալքալաք, Ծովակն Հյուսիսո լիճ, Անիի շրջայց, Իգդիր, Բայազետի բերդ Օր 2. Բարձրացում առաջին ճամբար (3200մ) Օր 3. Բարձրացում երկրորդ ճամբար (4200մ) Օր 4. Վերելք գագաթ կեսգիշերին, արևածագի վայելում, վերադարձ առաջին ճամբար Օր 5. Իջնում լեռան ստորոտ, տոնական ճաշ Բայազետում, կանգառ Արաքսի ափին և վերադարձ Երևան Վերելքի բոլոր օրերին հիմնական ուղեբեռը բարձրացնում են ձիերը: Ճամբարներում տրվում է տաք սնունդ և անսահմանափակ ջուր։

ArmLand Adventure & Travel - Արարատ լեռ

Արարատ լեռը հանդիսանում է ոչ միայն Հայկական Լեռնաշխարհի ամենաբարձր կետը, այլ նաև Հայաստանի խորհրդանիշը։ Մեր ակումբն արդեն 9 տարի իրականացնում է 5000+ լեռների վերելքներ։ Վեցօրյա արշավի արժեքը՝ 950$-ին համարժեք ՀՀ դրամ։ Հարցերի դեպքում կարող եք զանգահարել +374 44 88 00 58 հեռախոսահամարով։

Armenian Geographic

Մեր ընկերությունը 2014 թ.-ից իրականացնում է վերելքներ Արարատ լեռ: Ամենամեծ թվով մարդիկ իրենց երազանքի վերելքն իրականացրել են մեզ հետ։ Միացիր մեր 2026 թ․-ի Արարատի վերելքին։ Վստահիր երազանքիդ վերելքը փորձառուներին։ Վերելքի օրերը՝ հուլիսի 27-ից օգոստոսի 2-ը, օգոստոսի 2-8-ը, օգոստոսի 17-23-ը, օգոստոսի 23-29-ը և օգոստոսի 29-ից սեպտեմբերի 2-ը (5-օրյա ծրագիր):

Թռիչք հայքինգ ակումբ - Հանրապետության փողոց 58, Երեւան, Հայաստան

26-30.08.26-ին նախատեսել ենք իրականացնել վերելք դեպի երազանքի գագաթ ՝ վեհափառ Արարատը։ Օր 1 Առավոտյան` ժամը 04։00֊ին, Գարեգին Նժդեհի արձանի մոտից շարժվում ենք դեպի հայ֊վրացական սահման։ Հատելով սահմանը մինչև վրաց֊թուրքական սահման, մեզ ուղեկցելու են Ջավախք Աշխարհի չքնաղ տեսարանները։ Այնուհետև ճանապարհ կընկնենք դեպի պատմական "հազար ու մեկ եկեղեցիների մայրաքաղաք" Անի, բացառիկ կառույցների և պատմության ողջ ուժը վերապրելուց հետո` կշարունակենք մեր ճանապարհը դեպի Բայազետ, որտեղ էլ ` հարմարավետ հյուրանոցում, կլինի մեր գիշերակացը։ Օր 2 Առավոտյան ամենագնաց մեքենաներով կբարձրանաք առաջին վրանային ճամբար ՝ 3200մ բարձրության վրա։ Գիշերակացը կանցկացնենք վրաններում։ Օր 3 Առավոտյան կսկսենք վերելքը դեպի 4200մ ` 2֊րդ վրանային ճամբար։ Գիշերակացը նույնպես կանցկացնենք վրաններում։ Օր 4 Կեսգիշերին` 01։00֊02։00 կսկսենք մեր վերելքը, որպեսզի առավոտյան արդեն լինենք լեռան գագաթին։ Իհարկե լեռան ու եղանակի թույլտվությամբ կտեսնենք յուրաքանչյուրիս ամենաբաղձալի երազանքը` Հայաստանը , իր ծով լեռներով։ Այնուհետև կիջնենք մինչև առաջին վրանային ճամբար` 3200մ, կհանգստանանք և կիջնենք Բայազետ։ Գիշերակացը հյուրանոցում։ Օր 5 Նախաճաշից հետո կուղևորվենք Կարս քաղաքը, կայցելենք Կարսի բերդը, կտեսնենք Սուրբ Առաքելոց եկեղեցին և կվերադառնանք Երևան։ Եղանակային պայմաններից ելնելով` 1 օր հնարավոր է անցկացնենք վրանային ճամբարում, ինչը հավելյալ ծախսեր չի պահանջի։ Արժեքը ներառում է` - Տրանսպորտ բոլոր ուղղություններով - 2 օր բարձրակարգ հյուրանոցում - Սնունդը վերելքի ընթացքում - Ուղեկցորդների (այդ թվում՝ տեղացի) ծառայություն - Տեսարժան վայրերի մուտքավճարները - Վրանների, կատվիկների վարձույթ - Ձիերի վարձույթ Արժեքի մեջ ներառված չէ՝ դեպի Թուրքիա վիզայի արժեքը, քաղաքային սնունդը և այլ անձնական ծախսերը։ Արարատի վերելքը և առհասարակ 5000+ վերելքները պահանջում են հատուկ պատրաստվածություն։ Մենք կիրականացնենք հանդիպումներ և խորհրդատվություն գույքի ու հանդերձանքի ընտրության հարցում։

Համշեն Տուր

Հայկական լեռնաշխարհի և Հայկական պար լեռնաշղթայի գեղեցկագույն գագաթներից մեկը՝ Ալաշկերտի խորհրդանիշ Սուկավետ լեռն է կանչում, որի հետ մեկտեղ ևս երկու բացառիկ վերելք է սպասվում՝ Կողբասար լեռը, ինչպես նաև լեգենդար Նպատ լեռը։ Ծրագրում է նաև Գայլատու լիճը՝ Հայկական լեռնաշխարհում ամենաբարձրադիրը խոշոր լճերի շարքում։ Հատուկ կառանձնացնենք նաև այցը Նպատ լեռան ստորոտին գտնվող Բագավանի տաճար, անցումը Ձիրավի դաշտով, Դիյադինի տաք աղբյուրներ այցը։ Օր 1՝ Լիճը լեռներում Մեկնում Երևան-Գյումրի-Ախալքալաք-Կարս։ Ծովակն Հյուսիսո լիճ, Մասիսի լանջերով անցում, Գայլատու լիճ։ Ընթրիք Բայազետում կամ Աղրըում։ Գիշերակացը՝ Աղրը, Ալաշկերտ կամ Բայազետ։ Օր 2՝ Պարի կատարյալը Վերելք Սուկավետ։ Առավոտ վաղ մեքենան հյուրանոցից մեզ կմոտեցնի Ալաշկերտի գյուղերից մեկին, որտեղից էլ կսկսենք վերելքը։ Սուկավետ լեռան քայլարշավի երկկողմանի երկարությունը մոտ 12 կմ է, հարաբերական բարձրությունը՝ մոտ 1200 մետր, լեռան բարձրությունը՝ 3434 մետր։ Օր 3՝ Պարի խորհրդանշականը Ձիրավի դաշտ, Արածանի գետ, Բագավանի տաճար, վերելք Նպատ լեռ, Դիյադինի տաք աղբյուրներ։ Նպատ լեռան քայլարշավի երկկողմանի երկարությունը մոտ 5 կմ է, հարաբերական բարձրությունը՝ մոտ 300 մետր։ Օր 4՝ Պարի բացառիկը Վերելք Կողբասար, Արաքս գետ, ճաշ Կարսում, վերադարձ Երևան։ Կողբասարի քայլարշավի երկկողմանի երկարությունը 3 կմ է, հարաբերական բարձրությունը՝ 250 մետր, լեռան բարձրությունը՝ 2562 մետր։ Թեև վերելքը ոչ երկար է, սակայն ունի ժայռային հատվածներ։ Գինը ներառում է՝ բարձրակարգ տրանսպորտը, լեռնային ուղեկցորդների ծառայությունը, հարմարավետ հյուրանոցը, նախաճաշերը և ընթրիքը, բոլոր տեսարժան վայրերի մուտքի տոմսերը։ Լրացուցիչ՝ Թուրքիայի վիզան ՀՀ քաղաքացիների համար պատրաստում է մեր ընկերությունը։

Armenian Geographic

Մեր ընկերությունը 2014 թ.-ից իրականացնում է վերելքներ Արարատ լեռ: Ամենամեծ թվով մարդիկ իրենց երազանքի վերելքն իրականացրել են Armenian Geographic-ի հետ։ Միացիր մեր 2026 թ․-ի Արարատի 5-օրյա վերելքին։ Վստահիր երազանքիդ վերելքը փորձառուներին։

Հատիս Տուր

Երազում ե՞ս բարձրանալ բիբլիական Սիսը և շրջել Արևմտյան Հայաստանում: 2026 թ-ի հուլիս և օգոստոս ամիսներին կմեկնենք Արևմտյան Հայաստան, կշրջենք պատմական Հայաստանի տեսարժան վայրերով և վերելք կկատարենք Սիս լեռը (Փոքր Արարատը) (3925 մ):

Հատիս Տուր

Երազում ե՞ս բարձրանալ բիբլիական Արարատ լեռը և շրջել Արևմտյան Հայաստանում: Հուլիս և օգոստոս ամիսներին կմեկնենք Արևմտյան Հայաստան, կշրջենք պատմական Հայաստանի տեսարժան վայրերով և վերելք կկատարենք Արարատ լեռ (5165 մ): Հասիր երազանքիդ գագաթին մեզ հետ: Ծրագրին և մանրամասներին կարող եք ծանոթանալ մեր կայքում:

We Hike Armenia - Արագած լեռ

Վերելք Արագած լեռան երկու գագաթներ: Գրանցվելու համար այցելեք wehike.am կայքը:

North Peak Mountain Club - Hotel Bahnhof Zermatt

North Peak լեռնային ակումբը հրավիրում է փորձառու լեռնասերներին կատարելու վերելք դեպի Ալպերի ամենագեղեցիկ գագաթ՝ հռչակավոր Մաթերհորնը (4478 մ) դասական Hornli ridge երթուղով, Շվեյցարիայի կողմից։ Այս երթուղին ունի ալպինիստական 3B (AD+) բարդություն, այդ իսկ պատճառով այս ծրագրին կարող են մասնակցել միայն բավարար ժայռամագլցման պատրաստություն և փորձ ունեցողները։ Յուրաքանչյուր խմբում ընդգրկվելու են առավելագույնը 4 մասնակից և 2 ուղեկցորդ: Ծրագիրն ըստ օրերի․ Օր 1. Ժամանում Ցերմատ։ Զբոսանք քաղաքում, վերելքի նախապատրաստական աշխատանքներ, գիշերակաց հյուրանոցում։ Մասնակիցներն ըստ իրենց ցանկության կարող են հասնել Ցերմատ իրենց ընտրած եղանակով, բայց կազմակերպիչները կօգնեն գտնել և ամրագրել հարմար տոմսեր: Օր 2. Ցերմատից ճոպանուղով բարձրանում ենք Schwarzsee կայան (2580 մ): Գեղատեսիլ ժայռոտ արահետով քայլելու ենք մինչև 3260 մ-ի վրա գտնվող Hornlihutte լեռնային կացարանը (4,3 կմ քայլք)։ Ժամանակի առկայության դեպքում կբարձրանանք վերելքի երթուղու որոշ հատվածը։ Օր 3. Առավոտյան 05:00 սկսում ենք վերելքը դեպի Մաթերհորնի գագաթ։ Այն տևում է 5-6 ժամ, մոտ այդքան էլ՝ վայրէջքը։ Վերելքի ամբողջ ընթացքում քայլելու ենք պարանով իրար կապված, փոխադարձ ապահովմամբ։ Oր 4. Պահուստային օր երկրորդ փորձի կամ եղանակային պայմանների համար։ Վայրէջք Ցերմատ: Օր 5. Մեկնում։ Արժեքի մեջ ներառված է` ծրագրի կազմակերպումը, հյուրանոց Ցերմատում (2 գիշեր), Hornlihutte կացարանում 2 գիշերակաց (նախաճաշով և ընթրիքով), ճոպանուղու տոմսերը, ուղեկցորդների ծառայությունները, խմբային տեխնիկական գույքը և 2 օր գործնական մարզումներ Հայաստանում։ Անհրաժեշտ հանդերձանք՝ 45-55 լ ուսապարկ, արշավական ձեռնափայտեր, թերմոհագուստ, պրոֆեսիոնալ լեռնային և թրեքինգային կոշիկներ, մեմբրանե բաճկոն և տաբատ, տաք հագուստ, ձեռնոցներ, կատվիկներ, սառցահատ, ապահովման գոտի, 4 կառաբին, սաղավարտ, արևապաշտպան միջոցներ, քնապարկի liner, գլխի լապտեր, թերմոս։ Գրանցումը համարվում է հաստատված տուրի արժեքը լրիվ կամ մասնակի փոխանցելուց հետո: Վերելքը հաջողությամբ կատարած մասնակիցներին կտրամադրվի հավաստագիր:

Համշեն Տուր

Հայկական լեռնաշխարհի գեղեցկագույն անկյուններից Կորդվաց լեռների ամենաբարձր գագաթը՝ դժվարահասանելի Ջիլոն է մեզ սպասում։ Երկար տարիներ լեռնագնացության համար ամբողջությամբ փակ լեռը մեզ համար դարձել է հասանելի և կընդունի իր գագաթը հասնել երազողներին։ Ջիլոն Հայկական լեռնաշխարհի ամենաբարձր 5 գագաթներից մեկն է՝ 4135 մետր բարձրությամբ։ Վերելքի համար պարտադիր է մասնակցի լեռնային փորձը և լիարժեք լեռնային հանդերձանքը։ Ծանր իրերն ու ճամբարային գույքը տեղափոխվելու են կենդանիների միջոցով։ Վրանները տրամադրվում են։ Գինը ներառում է՝ բարձրակարգ տրանսպորտ, լեռնային ուղեկցորդների ծառայություն, երկու անգամ սնունդ ճանապարհին և սնունդ վերելքի ընթացքում, 3+ աստղանի հյուրանոց, վրան և ներքնակ, Ջիլո բարձրանալու թույլտվություն, իրերի տեղափոխությունը ձիերով, ամենագնացներով տեղափոխությունը։ Չի ներառում՝ Թուրքիայի մուտքի վիզան։ Ծրագիր։ Օր 1: Երևան-Գյումրի-Ախալքալաք-Կարծախ-Ծովակն Հյուսիսո լիճ-Արաքս գետ-Բերկրիի ջրվեժ-ընթրիք Վանում-գիշերակաց Յուքսեքովայում։ Օր 2-3: Տեղափոխություն մեկնարկի կետ, վերելք վրանային ճամբար (7 կմ քայլարշավ, 1000մ բարձրություն)։ Վաղ առավոտյան վերելք Ջիլոյի գագաթ (5 կմ քայլարշավ, 1200մ բարձրություն), վերադարձ ճամբար և հյուրանոց։ Օր 4: Նախաճաշ հյուրանոցում, ազատ ժամանակ Վանա լճի ափին, ճաշ Կարսում, վերադարձ Երևան։

We Hike Armenia - Yerevan, Armenia

6-օրյա արշավախումբ We Hike Armenia-ի հետ, որը համատեղում է Արարատ լեռան վերելքը և ճանապարհորդությունը Արևմտյան Հայաստանի պատմական վայրերով: Ծրագրում՝ - Վերելք Արարատ լեռ - Այցելություն Անի և Կարս - Ճանապարհորդություն դեպի Վանա լիճ և Աղթամար կղզի - Մասնակցություն Սուրբ Խաչ եկեղեցու հայկական պատարագին Հարցերի և գրանցման համար գրեք @wehike.am էջին կամ զանգահարեք +37444301076 հեռախոսահամարով:

Armenian Geographic

Armenian Geographic-ի բազմօրյա արտագնա արշավը դեպի Վրաստանի ամենամեկուսի և գեղեցիկ լեռնային շրջաններից մեկը՝ Տուշեթ: Մանրամասներին ծանոթանալու համար կարող եք անցնել bio-ում նշված հղումով:

ArmLand Adventure & Travel - Մամուլի շենք

Վերելք դեպի Կազբեկ լեռ (5033մ): Այն գտնվում է Կովկասյան լեռնաշղթայի կենտրոնական մասում՝ ռուս-վրացական սահմանին։ Լեռան ալպինիստական բարդությունը՝ 2A: Վերելքի մասնակցության համար լեռնագնացության փորձը ՊԱՐՏԱԴԻՐ Է։ Երթուղի՝ Օր 1․ Երևան – Ստեփանծմինդա: Վաղ առավոտյան Երևանից կուղևորվենք դեպի հայ-վրացական սահման, այնուհետև Ստեփանծմինդա (1750մ): Գիշերակացը՝ հյուրատանը: Օր 2․ Կազբեկ լեռ․ Մետեոկայանի կացարան: Ամենագնացով կբարձրանանք դեպի Գերգեթի Ցմինդա Սամեբա եկեղեցի, այնտեղից կսկսենք վերելքը դեպի Մետեոկայան (3750մ)։ Տևողությունը` 6-7 ժամ: Օր 3․ Կազբեկ լեռ․ Կլիմայավարժեցում: Կլիմայավարժական վերելք` 4200մ բարձրություն: Վերադարձ մետեոկայան՝ գիշերակացի։ Օր 4․ Կազբեկ լեռ․ Վերելք դեպի գագաթ: Գիշերը 1:00-2:00-ին կսկսենք վերելքը դեպի գագաթ (5033մ): Տևողությունը՝ մոտ 11-13 ժամ: Իջնում և գիշերում ենք մետեոկայանում: Օր 5․ Վերադարձ Երևան: Մետեոկայանից իջնում ենք Ստեփանծմինդա և վերադառնում Երևան։ Օր 6․ Պահեստային օր՝ նախատեսված վատ եղանակի դեպքում: Կախված եղանակից՝ հնարավոր է ևս մեկ պահեստային օր լեռան վրա, որի համար կպահանջվի հավելավճար։ Հանդերձանք՝ պրոֆեսիոնալ լեռնային համազգեստ և կոշիկներ, տերմո հագուստ, տաք փոխնորդ հագուստ, 2 ուսապարկ (60-70լ և 20-35լ), անձրևապաշտպան բաճկոն, քնապարկ (-5 -10 C), քայլարշավային ձեռնափայտեր, զանգապաններ, 2 տեսակի ձեռնոցներ, ձմեռային և ամառային գլխարկ, դեղատուփ, լեռնային արևային ակնոց, արևապաշտպան քսուք, գլխի լապտեր, սառցահատ, 2 զսպանակակեռիկ (карабин), կատվիկներ, անվտանգության գոտի: Արժեքը ներառում է․ տրանսպորտ, գիշերակաց հյուրատանը, ձիերի ծառայություն դեպի մետեոկայան, ուղեկցորդների ծառայություն, կապ փրկարար ծառայության հետ, վերելքի թույլատվություն: Արժեքը չի ներառում․ սնունդ, անձնական լեռնային գույք: Խմբում մասնակիցների առավելագույն քանակը՝ 6 հոգի: Մասնակցության համար անհրաժեշտ է լրացնել համաձայնագիրը: Գրանցվելու համար զանգահարեք 044 88 00 58 հեռախոսահամարով:

Հատիս Տուր

Մեկնում ենք Իրան՝ բարձրանալու Դեմավենդ լեռը։ Դեմավենդ կամ Դամավենդ լեռը ոչ միայն Իրանի և Ասիայի ամենաբարձր գագաթն է, այլ նաև Ասիա աշխարհամասի ամենաբարձր հրաբուխը։ Լեռան բարձրությունը 5610 մետր է։ Դեմավանդը պարզապես լեռ չէ. այն Իրանի ազգային հպարտության խորհրդանիշն է։ Ուղևորության ընթացքում ոչ միայն կբարձրանանք լեռն, այլ նաև ժամանակ կունենանք ծանոթանալու Իրանի մայրաքաղաք Թեհրան քաղաքի պատմամշակութային մի քանի կենտրոններին, կենցաղին և խոհանոցին։ Գրանցվել կարող եք սեղմելով «ամրագրել» կոճակը։

North Peak Mountain Club

North Peak լեռնային ակումբը հրավիրում է փորձառու լեռնասերներին բարձրանալու Վրաստանի խորհրդանիշ համարվող Կազբեկ լեռը (5033 մ) 2026 թվականին: Ծրագիրը (6 օր/5 գիշեր). Օր 1. Մեկնում Երևանից: Ճանապարհին կայցելենք մի քանի տեսարժան վայրեր: Ժամանում Ստեփանծմինդա, պակասող գույք/հանդերձանքի վարձակալություն, գիշերակաց հյուրատանը: Օր 2. Առավոտյան մեքենաներով կբարձրանանք Գերգետիի վանական համալիր (2200 մ), որտեղից ոտքով, թեթև ուսապարկերով, կքայլենք դեպի Մետեոկայան (3650 մ)։ Ծանր ուսապարկերը կտեղափոխվեն ձիերով։ Գիշերակացը` Մետեոկայանում։ Օր 3. Ակլիմատիզացիոն վերելք մինչև 4000 մ, ձնա-սառցային պարապունք, հանգիստ մետեոկայանում։ Oր 4. Գիշերը 03:00 սկսում ենք վերելքը դեպի գագաթ: Գագաթին նկարվելուց և հաջող վերելքը նշելուց հետո կվերադառնանք մետեոկայան և կհանգստանանք: Օր 5. Իջնում ենք Գերգետիի վանական համալիր, ապա` մեքենաներով Ստեպանծմինդա: Ծանր իրերը կրկին կիջեցվեն բեռնակիր ձիերով: Գիշերակացը հյուրատանը: Օր 6. Վերադարձ Երևան: Օր 7. Պահուստային օր Մասնակցության արժեքը` 850 $ (համարժեք ՀՀ դրամ): Արժեքի մեջ ներառված է` - հարմարավետ տրանսպորտ Երևան - Ստեփանծմինդա - Երևան և Ստեփանծմինդայից Գերգետի վանական համալիր ու հետ - հյուրատուն Ստեփանծմինդայում (2 գիշեր նախաճաշով) - սնունդը վերելքի ընթացքում (լեռան վրա), նախաճաշերը և տոնական ընթրիքը Ստեփանծմինդայում - ուղեկցորդների ծառայությունները` 3-4 մասնակցին 1 ուղեկցորդ հաշվարկով - կացարանի վարձակալությունը (մետեոկայան, 3 գիշեր) - բեռնակիր ձիերի վարձակալությունը - խմբային տեխնիկական և խոհանոցային գույքը - պահուստային օրն օգտագործելու դեպքում` կացարանում լրացուցիչ գիշերակացի արժեքը և սնունդը Ծրագրի արժեքի մեջ ներառված չէ` - անհատական գույք/հանդերձանքի վարձակալությունը - ապահովագրությունը (պարտադիր է) - սնունդը Ստեփանծմինդայում (բացի նախաճաշերից և տոնական ընթրիքից) North Peak լեռնային ակումբի անդամները կստանան 10 % զեղչ: Վերելքը հաջուղությամբ կատարած մասնակիցներին կտրամադրվի North Peak լեռնային ակումբի և Ալպինիզմի և լեռնային տուրիզմի հայկական ֆեդերացիայի կողմից հաստատված հավաստագիր: Անհրաժեշտ հանդերձանք. - 2 ուսապարկ (20-25 լ և 60-70 լ) - արշավական ձեռնափայտեր, թերմոհագուստ, պրոֆեսիոնալ լեռնային կոշիկներ և հանդերձանք - կատվիկներ, սառցահատ, ապահովման գոտի, 3 կառաբին, սաղավարտ - քնապարկ (կոմֆորտ 0°C-ից -5°C), գլխի լապտեր, անձրևապաշտպան և քամուց պաշտպանող հագուստ - արևապաշտպան միջոցներ, անհատական դեղատուփ և հիգիենայի պարագաներ Գրանցումը համարվում է հաստատված տուրի արժեքը լրիվ կամ մասնակի փոխանցելուց հետո.

ArmLand Adventure & Travel

Armland արշավային ակումբը կազմակերպում է 4-օրյա լեռնային արշավ դեպի Պոնտոսի լեռնաշղթայի ամենաբարձր գագաթը՝ Քաջքար (3937 մ)։ Արշավը նախատեսված է նրանց համար, ովքեր ցանկանում են հաղթահարել Համշենի աշխարհի ամենաբարձր կետը, վայելել ալպիական բնապատկերները և ապրել իսկական լեռնային արկած: Մանրամասների և գրանցման համար՝ https://armland.am/hy/verelq-qachqar-ler/

Համշեն Տուր

Եռօրյա արշավախումբ դեպի Հայկական լեռնաշխարհի լեռնային լճերի ամենամեծ խտությամբ տարածքը՝ Չանգհովիտ, որն այսօր հայտնի է որպես Սպերի Յոթ լճեր։ Ծրագիրը համատեղում է քայլարշավները Քաջքարի լեռների տեսարանների ներքո և այցելությունները Տայքի ու Գուգարքի պատմական ամրոցներ։ Ծրագիրը՝ Օր 1. Երևան – Արդահան – Յուսուֆելի – Սպեր։ Այցելություն Քալեջիքի և Բերդաձորի բերդեր։ Գիշերակացը Սպերում։ Օր 2. Քայլարշավ դեպի Յոթնալիճ։ Այցելություն Սպերի բերդ։ Գիշերակացը Սպերում։ Օր 3. Նիխաղի, Որջնհաղի և Օլթուի բերդեր։ Քայլարշավ դեպի Քաջաց բերդ։ Վերադարձ Երևան Արդահանի և Գյումրիի վրայով։ Արժեքը ներառում է՝ - 3* հյուրանոց (երկտեղանի/երեքտեղանի համարներ) - Օրական երկու անգամյա սնունդ - Գիդ-ուղեկցորդի ծառայություն - Տրանսպորտ և բոլոր մուտքավճարները Չի ներառում՝ մուտքի վիզան (ՀՀ քաղաքացիների համար՝ 17,000 դրամ)։ Մանրամասների և գրանցման համար՝ 093 551485, 091 551485, 041 551485 (Viber/WhatsApp: +374 93 551485)։

Համշեն Տուր

Սիսը Հայկական լեռնաշխարհի գեղեցկագույն և տպավորիչ լեռներից է, որը տարիներ շարունակ փակ էր լեռնագնացության համար, սակայն այժմ արդեն հասանելի է։ Մեզ է սպասվում անչափ հետաքրքիր, միևնույն ժամանակ, ոչ հեշտ վերելք՝ համեմված չքնաղ տեսարաններով, այդ թվում՝ Մասիսի տեսարանը Սիսի գագաթից։ Հաշվի առնելով, որ Սիսը լեռնագնացության տեսանկյունից բարդ վերելք է պահանջում՝ մասնակիցները պետք է լինեն լեռնագնացության փորձով և լիարժեք արշավային հանդերձանքով։ Բացի Սիսի տպավորիչ վերելքը, կտեսնեք Կարսն ու Իգդիրը, Արաքսն ու Կողբը, Ծովակն Հյուսիսո լիճն ու այլ հրաշալիքներ։ Գինը ներառում է տեղացի պրոֆեսիոնալ ուղեկցորդների ծառայությունը, խմբին ուղեկցող հայ թուրքագետ լեռնային ուղեկցորդի ծառայությունը, տեղափոխությունը բարձրակարգ միկրոավտոբուսներով, 3 աստղանի հյուրանոցը (երկտեղանի համար), նախաճաշերը, առաջին օրվա ընթրիքն ու երրորդ օրվա ճաշը, բոլոր մուտքավճարները և վերելքի թույլտվությունը։ Գինը չի ներառում Թուրքիայի վիզան և երկրորդ օրվա սնունդը։ Ծրագրում ներառված են Ծովակն Հյուսիսո լիճը, Կողբի աղահանքերը, վերելք Սիսի գագաթ (3925 մ, քայլարշավ մոտ 12 կմ), Արաքս գետը և Կարսի պատմամշակութային վայրերը։