Վերելք Կիլիմանջարոյի ամենագեղեցիկ երթուղիներից մեկով՝ Machame Route-ով (5895 մ), Աֆրիկայի տանիքին։ Խումբն ուղեկցելու է North Peak Mountain Club-ի հիմնադիր և ղեկավար Սամվել Մանուկյանը։ Մասնակիցների առավելագույն թիվը՝ 12 մարդ։ Տեխնիկական ալպինիստական փորձ պարտադիր չէ, բայց անհրաժեշտ է լավ ֆիզիկական պատրաստվածություն և բարձրալեռնային տեղանքում օրեր շարունակ քայլելու պատրաստակամություն։ Տարբերակներ՝ • Վերելք Կիլիմանջարո (8 օր) • Կիլիմանջարո + սաֆարի Տարանգիրեում և Նգորոնգորոյում (10 օր) • Կիլիմանջարո + սաֆարի + Զանզիբար (12 օր) Հիմնական փաթեթում ներառված են խմբի ղեկավարի և տեղական լեռնային ուղեկցորդների ծառայությունները, տեղափոխումները Մոշիից երթուղի, բոլոր հարկերն ու թույլտվությունները, բեռնակիրները, խոհարարները, սնունդը վերելքի ընթացքում և 2 գիշեր Մոշիի հյուրանոցում (նախաճաշով)։ Ներառված չեն ավիատոմսերը, ապահովագրությունը, սպասարկող անձնակազմի թեյավճարները և ճաշերն ու ընթրիքները Մոշիում։ Լրացուցիչ ծրագրերն ունեն համապատասխան տրանսպորտային ու էքսկուրսիոն ներառումներ։ Տեղն ամրագրելու համար վճարվում է արժեքի 15–20%-ը։ Գրանցման և հարցերի համար՝ +374 43 004090, +374 93 850385 (WhatsApp, Telegram)։