Վերելք Արարատի Մասիս գագաթ 5-օրյա ծրագիր․ • Օր 1․ Վաղ առավոտյան ամենագնացներով մեկնում հայ-վրացական և վրաց-թուրքական անցակետերով, այցելություն պատմական Անի քաղաքի ավերակներ և գիշերակաց Բայազետի հյուրանոցում։ • Օր 2․ Առավոտյան 09:00-ի նախաճաշից հետո մոտ 2 ժամում ամենագնացներով հասնում ենք Մասիսի առաջին ճամբար և գիշերում այնտեղ։ • Օր 3․ Առավոտյան մոտ 09:00-ին քայլարշավ դեպի երկրորդ ճամբար (4200 մ) և գիշերակաց (ընդհանուր մոտ 3 կմ և 700 մ հարաբերական բարձրություն)։ • Օր 4․ Արթնացում գիշերվա 00:00-ին, նախաճաշ և 01:00-ին շարժ դեպի գագաթ։ Մոտ 5-6 ժամից վերելք գագաթ, որոշ ժամանակ անց՝ վայրէջք (մոտ 6․5 կմ և 1000 մ հարաբերական բարձրություն)։ Մոտ 3-4 ժամում իջնում ենք երկրորդ ճամբար (4200 մ), ճաշում և հանգստանում մոտ մեկ ժամ։ Այնուհետև ծանր իրերը հանձնվում են ձիերին, խումբն իջնում է առաջին ճամբար (3200 մ), իսկ այնտեղից ամենագնացներով՝ հյուրանոց։ • Օր 5․ Առավոտյան մոտ 09:00-ին դուրս գալ հյուրանոցից, այցելություն Կարսի բերդ, շուրջ մեկ ժամ զբոսանք Կարսի կենտրոնում, ճաշ քաղաքի կենտրոնում և ուղևորություն դեպի Վրաստանի սահմանային անցակետեր։ Եղանակային պայմանների փոփոխության դեպքում հնարավոր է արշավը մեկ օրով երկարի։ Անհրաժեշտ է 5000+ մ լեռների համար նախատեսված հանդերձանք (տրամադրվում է խորհրդատվություն)։ Մինչ վերելքը նախատեսվում են նախաարարատյան արշավներ, հանդիպումներ և խորհրդատվություններ։ Արժեքը ներառում է՝ • Տրանսպորտ • Հյուրանոց • Հայ և տեղացի ուղեկցորդների ծառայություն • Սնունդ հյուրանոցում և բազային ճամբարներում • Մուտքի թույլտվություններ • Ձիերի վարձույթ Արժեքը չի ներառում՝ • Վրաստան մուտքի պարտադիր ապահովագրություն • Թուրքիայի վիզա (ՀՀ քաղաքացիների համար՝ 17 000 դրամ) • Քաղաքային սնունդ • Այլ ծախսեր