Արարատի գագաթի վերելքի 5–6 օրյա ծրագիր՝ պատմական վայրերի այցելություններով։ Մինչ արշավը նախատեսվում են նախաարարատյան արշավներ, հանդիպումներ և խորհրդատվություններ։ Երթուղի․ • Օր 1. Վաղ առավոտյան մեկնում ամենագնացներով հայ-վրացական և վրաց-թուրքական անցակետերով, այցելություն Անիի ավերակներ, գիշերակաց Բայազետի հյուրանոցում։ • Օր 2. Նախաճաշից հետո (09:00) մոտ 2 ժամում ամենագնացներով հասնում ենք Մասիսի առաջին ճամբար և գիշերում այնտեղ։ • Օր 3. Ժամը 09:00-ին քայլարշավ դեպի երկրորդ ճամբար՝ 4200 մ բարձրության վրա (մոտ 3 կմ, 700 մ հարաբերական բարձրություն), գիշերակաց այնտեղ։ • Օր 4. Արթնացում 00:00-ին, նախաճաշ, 01:00-ին մեկնարկ դեպի գագաթ։ 5–6 ժամում հասնում ենք գագաթ (մոտ 6․5 կմ, 1000 մ հարաբերական բարձրություն)։ Վայրէջք դեպի երկրորդ ճամբար (4200 մ, 3–4 ժամ), ճաշ և հանգիստ, ծանր իրերը հանձնվում են ձիերին, իջնում ենք առաջին ճամբար (3200 մ), այնտեղից ամենագնացներով՝ հյուրանոց։ • Օր 5. Ժամը 09:00-ին դուրս գալիս հյուրանոցից, այցելություն Կարսի բերդ, մոտ մեկ ժամ շրջայց և ճաշ Կարսի կենտրոնում, ապա ուղևորություն դեպի Վրաստանի սահմանային անցակետեր։ Եղանակային պայմանների փոփոխության դեպքում հնարավոր է արշավը մեկ օրով երկարի։ Անհրաժեշտ է ունենալ 5000+ մ լեռների համար նախատեսված հանդերձանք (տրամադրվում է խորհրդատվություն)։ Արժեքի մեջ ներառված են տրանսպորտը, հյուրանոցը, հայ և տեղացի ուղեկցորդների ծառայությունը, սնունդը հյուրանոցում և բազային ճամբարներում, մուտքի թույլտվությունները և ձիերի վարձույթը։ Արժեքի մեջ չեն ներառված Վրաստան մուտքի պարտադիր ապահովագրությունը, Թուրքիայի մուտքի վիզան (ՀՀ քաղաքացիների համար՝ 17 000 դրամ), քաղաքային սնունդը և այլ ծախսերը։