ՔԱՅԼԱՐՇԱՎ ԾԱՂԿԱՁՈՐԻՑ ՍՈԼԱԿ ՄԱՅՐԱՎԱՆՔ ՆՈՅԵՄԲԵՐԻ 1-ԻՆ, ԿԻՐԱԿԻ (ԿՈՏԱՅՔ) Կիրակի օրը՝ նոյեմբերի 1-ին, նախատեսում ենք իրականացնել հետաքրքիր մի քայլարշավ, որը կանցնի Ծաղկունյաց գեղեցիկ լեռների փեշերով և անտառներով՝ ավարտելով մեր քայլարշավը Հրազդանի հովտում: Քայլարշավը կսկսենք Ծաղկաձոր քաղաքի բարձրադիր հատվածից, որտեղ պահպանվել են «Բերդի գլուխ» կոչվող ամրոցի ավերակները: Քայլարշավը կանցնի Բջնի գետակի անտառապատ ձորով, որտեղ գտնվում է Թթուջուր կոչվող հանքային աղբյուրը: Այնուհետև անտառային արահետներով կբարձրանանք Ծմակ կամ Ծմա կոչվող լեռան գագաթամերձ հատվածը (2249 մ), որտեղից էլ Բջնուսար լեռան փեշերով ձգվող լեռնային արահետներով կիջնենք դեպի Վանքիջուր կոչվող գետակի անտառապատ վերին հատվածը: Ճանապարհին կբացահայտնենք հին ամրոցի ավերակները ժայռոտ բլրի գագաթին, որտեղից կբացվեն գեղեցիկ տեսարաններ: Շարունակելով քայլարշավը անտառային արահետներով կիջնենք դեպի լեռների մեջ անտառի բացատում գտնվող Մայրավանքի եկեղեցին՝ կառուցված 7-11-րդ դարերում: Վանքի գործունեությունը կապված է միջնադարի հայ նշանավոր փիլիսոփա, աստվածաբան Հովհան Մայրավանեցու անվան հետ: Վանքի միակ եկեղեցին վերակառուցվել և օծվել է 2023 թ.: Մայրավանքից անտառային արահետով կիջնենք Հրազդան գետի ափը՝ Սոլակ գյուղի մոտ, որտեղից էլ կվերադառնանք Երևան: Քայլարշավի երկարությունը՝ 16 կմ: Հարաբերական բարձրությունը՝ 450 մ: Մասնակցության արժեքը 8000 դրամ, որը ներառում է տրանսպորտի և ուղեկցորդի ծառայությունները։ Արշավին մասնակցելու համար անհրաժեշտ է՝ արշավային հաստ տակացուով կոշիկներ, հարմարավետ սպորտային հագուստ, արևապաշտպան կրեմ և գլխարկ, անձրևանոց (дождевик), ուսապարկ, մեկօրյա սնունդ, ջուր, լապտեր: ԽՆԴՐՈՒՄ ԵՆՔ ՀԱՍՏԱՏԵԼ ՄԻԱՅՆ ՄԱՍՆԱԿՑԵԼՈՒ ԴԵՊՔՈՒՄ Գրանցվելուց հետո կարող եք հրաժարվել մինչև ուրբաթ օրվա գիշերվա ժամը 12:00-ը: Շաբաթ օրը հրաժարվելու դեպքում մասնակիցը պարտավորվում է վճարել գումարն ամբողջությամբ: Արշավն իրականացվում է միկրոավտոբուսով (15-20 տեղ): Մեկնարկը Սախարովի հրապարակից, ժամը 7:30-ին: Գրանցվելու համար խնդրում ենք զանգահարել 091321252 համարին: