Ավստրալացի արվեստագետ Սայմոն Ֆիշերի պրակտիկան ջնջում է կերպարվեստի, գեղարվեստական հետազոտության և արխիվացման ու հավաքչության միջև եղած սահմանները: Ֆիշերը կենցաղային առօրյա իրերը վերածում է խաղային ստեղծագործությունների: Կերպարվեստի, թատրոնի և ճարտարապետության ոլորտներում երկարամյա փորձից ծնված հետաքրքրասիրությունն ու տեխնիկական վարպետությունը նրան տարել են դեպի գեղանկարչության, քանդակի, կոլաժի, լուսանկարչության և նոր մեդիաների (այդ թվում՝ VR) ուսումնասիրություններ: Իր վաղ ներշնչանքները նա քաղել է Քենիայում անցկացրած մանկությունից՝ հետևելով տեղի վարպետների ձեռքի աշխատանքին, իսկ հետագայում Միացյալ Թագավորությունում ու Ավստրալիայում հարմարվել է նոր մշակույթների, նյութերի ու միջավայրերի: