Ավստրալացի նկարիչ Սայմըն Ֆիշերի անհատական ցուցահանդեսը ARé Fest-ի շրջանակում։ «Ես բրիկոլյոր եմ։ Վերադասավորում եմ, կոլաժներ ստեղծում, միահյուսում մտքերն ու գործողությունները։ Աշխատում եմ իմպուլսով՝ ձգտելով ստեղծել ուրախություն հոգումս և իմաստ՝ սրտումս։ Իմ արվեստի վրա մեծ ազդեցություն ունի պոեզիան՝ Ռիլկե, Ռեմբո, Ուիլյամ Կառլոս Ուիլյամս և 20-րդ դարի ամերիկյան մոդեռնիզմը։ Գործերիս գլխավոր լեյտմոտիվը դիմակն է՝ վերածվել մեկ ուրիշի, ազատագրել մտքի ներքին թատրոնը։ Ինձ համար կարևոր է ոչ թե գաղափարներով արվեստ ստեղծելը, այլ արվեստի միջոցով նոր գաղափարներ ծնելը»։