Ի՞նչ կփոխվեր, եթե գետին նայելու փոխարեն փորձեինք լսել նրան։ Մաուդ ֆան դեն Բոյքընի գեղարվեստական հետազոտության կիզակետում գետերն են, դրանց նյութականությունն ու ժամանակը։ Հեղինակը քայլում է գետերի երկայնքով, ուսումնասիրում հուները, աշխատում նստվածքային ապարների հետ և հետևում այն դանդաղ գործընթացներին, որոնցով ջուրը ձևավորում ու կերպարանափոխում է շրջակայքը։ Ցուցահանդեսն ընդգրկում է չորս մեծ գետ, այդ թվում՝ Արաքսը։ Գետն այստեղ ներկայանում է ոչ թե պարզապես որպես բնապատկերի մաս, այլ իբրև նյութական, տարածական և ձայնային ներկայություն։ Ձայնային ինստալյացիան ստեղծվել է կերամիկ նկարիչ Սոսե Ստեփանյանի և կոմպոզիտոր Սոֆյա Բարդուցուի հետ համագործակցությամբ։ Համադրող՝ Նազարեթ Կարոյան Ցուցադրության դիզայն՝ Ռուբեն Արևշատյան