Վերելքի ծրագիր․ • Օր 1․ Վաղ առավոտյան ամենագնացներով մեկնում հայ-վրացական և վրաց-թուրքական անցակետերով, այցելություն Անիի ավերակներ և գիշերակաց Բայազետի հյուրանոցում։ • Օր 2․ Նախաճաշ ժամը 09:00-ին, մոտ 2 ժամում ամենագնացներով երթևեկություն դեպի Մասիսի առաջին ճամբար և գիշերակաց։ • Օր 3․ Առավոտյան ժամը 09:00-ին քայլարշավ դեպի երկրորդ ճամբար՝ 4200 մ (մոտ 3 կմ, 700 մ հարաբերական բարձրություն), և գիշերակաց։ • Օր 4․ Զարթոնք ժամը 00:00-ին, նախաճաշ և մեկնարկ դեպի գագաթ 01:00-ին։ Մոտ 5-6 ժամից վերելք գագաթ (մոտ 6․5 կմ, 1000 մ հարաբերական բարձրություն)։ Մոտ 3-4 ժամում իջեցում երկրորդ ճամբար (4200 մ), ճաշ և հանգիստ, ծանր իրերի փոխանցում ձիերին, իջեցում առաջին ճամբար (3200 մ) և ամենագնացներով վերադարձ հյուրանոց։ • Օր 5․ Ելք հյուրանոցից ժամը 09:00-ին, այց Կարսի բերդ, շրջայց Կարսի կենտրոնում, ճաշ քաղաքում և ուղևորություն դեպի Վրաստանի սահմանային անցակետեր։ Եղանակային պայմանների փոփոխության դեպքում արշավը կարող է մեկ օրով երկարել։ Մինչ մեկնելը նախատեսված են պարտադիր նախաԱրարատյան արշավներ, հանդիպումներ և խորհրդատվություններ։ Անհրաժեշտ է ունենալ 5000+ մ լեռների համար հանդերձանք (տրամադրվում է խորհրդատվություն)։ Ներառված է՝ տրանսպորտ, հյուրանոց, հայ և տեղացի ուղեկցորդների ծառայություն, սնունդ հյուրանոցում և բազային ճամբարներում, մուտքի թույլտվություններ, ձիերի վարձույթ։ Ներառված չէ՝ Վրաստան մուտքի պարտադիր ապահովագրություն, Թուրքիայի վիզա (ՀՀ քաղաքացիների համար՝ 17 000 դրամ), քաղաքային սնունդ, այլ ծախսեր։