Թատրոն Երևանում

Հայաստանի երգի պետական թատրոն

Երգի պետական թատրոնը հրավիրում է երեխաներին միասին շրջելու պատմության էջերով ու գտնելու կախարդական մատյանի կորցրած էջերը։ Տոմսերի ամրագրման համար զանգահարել 010 56 67 90 հեռախոսահամարով։

Երևանի կամերային թատրոն

Մոնոներկայացում այն մասին, թե ինչ է տեղի ունենում, երբ անձնական ցավը վերածվում է ընդվզման՝ ընդդեմ աշխարհակարգի։ Հիմնված Սոնա Վանի ազդեցիկ ստեղծագործությունների վրա՝ սա մի կնոջ պատմություն է, ով համարձակվեց մարտահրավեր նետել ճակատագրին։ Անկեղծ զրույց անձնականի և համընդհանուրի, սիրո և կորուստների, հավատի և հուսահատության, անզորության և վճռականության մասին։ Ինչպե՞ս ապրել, երբ աղոթքները մնում են անպատասխան, և հնարավոր է արդյոք միայնակ դիմակայել բռնության հավերժական շրջապտույտին։ Տոմսերը կարող եք ձեռք բերել erkat.am և tomsarkgh.am կայքերից կամ թատրոնի տոմսարկղից (091566070)։

Հակոբ Պարոնյանի անվան երաժշտական կոմեդիայի պետական թատրոն

Ալեքսանդր Վոլոդինի պիեսի հիման վրա բեմադրված ներկայացումը սիրո և մարդկային ջերմության անգնահատելի արժեքի մասին է: Սա մի պատմություն է օտարացման, բաժանման ցավի և այն մարդկանց պահպանելու կարևորության մասին, ովքեր մեր կյանքի լույսն ու հենարանն են: Հեղինակ՝ Ալեքսանդր Վոլոդին Թարգմանությունը՝ Կարո Վարդանյանի Բեմադրությունը և երաժշտական ձևավորումը՝ Նորա Գրիգորյանի Բեմանկարչությունը՝ Լուսինե Կարապետյանի Պարերը՝ Նաիրա Հովհաննիսյանի Դերերում՝ Սոնա Մուրադյան / Հասմիկ Գևորգյան, Վարդան Կուղյանոսյան, Արև Հակոբյան, Զարուհի Խաչատրյան, Տիգրանուհի Տեր-Մարկոսյան, Հարություն Մելիք-Բեկյան, Աշոտ Հակոբյան, Հայկազ Համբարձումյան, Լուսինե Արշակյան, Անի Քոչարյան, Սերգեյ Ոսկանյան, Հասմիկ Վերդյան, Ռոբերտ Ղամբարյան, Մարգարիտա Խաչատրյան, Վարդան Գևորգյան, Հասմիկ Մխիթարյան, Արսեն Ալբարյան, Մարիամ Գրիգորյան: Ներկայացումն անցնում է առանց ընդմիջման: Տոմսերի համար կարող եք զանգահարել 010 58 01 01 կամ 043 58 01 01 հեռախոսահամարներով:

Կ. Ստանիսլավսկու անվան ռուսական դրամատիկական թատրոն

«ՇեքսՊերիմենտը» բացահայտում է մարդու ներաշխարհը ժամանակակից հայացքով, որտեղ միահյուսվում են սերը, գայթակղությունը, հավատարմությունն ու կորուստը: Բեմադրությունը ցույց է տալիս մարդկային հարաբերությունների խոցելի կողմերը և այն, թե ինչպես կարող է վայրկենական սխալը վերածվել սիրո և վստահության անդառնալի ճեղքի: Շեքսպիրի սոնետների հզոր պոեզիայի միջոցով ներկայացումը արդիականացնում է դասական թեմաները՝ ընդգծելով, որ մարդկային զգացմունքների հակասությունները նույնքան սուր են այսօր, որքան Շեքսպիրի ժամանակներում: Տարիքային սահմանափակում՝ 18+ Տոմսերի ամրագրում касса-ի հեռախոսահամարով՝ (+37410) 56-91-99:

Սոս Սարգսյանի անվան համազգային թատրոն

Մորիս Մետերլինկի պիեսի հիման վրա բեմադրված ներկայացում։ Տոմսերի ամրագրման համար կարող եք զանգահարել՝ 010 303002 | 010 303004 094 539415

Tomsarkgh.am - Վիլլա Այգեձոր

ՇՈՒՆՉ թատրոնի ինտերակտիվ ներկայացումը ջնջում է բեմի և հանդիսատեսի միջև սահմանը։ Սիրային դրամա այն սիրո մասին, որը ստիպում է վերաիմաստավորել կյանքն ու ընտրությունները։ Ներկայացումը կայանում է հյուրանոցի ճեմասրահում՝ ընդամենը 55 հանդիսատեսի համար: Բեմադրիչ՝ Սամսոն Մովսեսյան Դերերում՝ Սեյրան Մովսիսյան, Լիլի Էլբակյան 19:30 – 20:00 — գինու հյուրասիրություն 20:00 – 21:00 — ներկայացում 21:00-ից հետո — քննարկում ոլորտի մասնագետների հետ սիրո և հարաբերությունների մասին

Սոս Սարգսյանի անվան համազգային թատրոն

Մորիս Մետերլինկ Բեմադրիչ՝ Նարինե Գրիգորյան

Դերասանական դասընթացներ բոլորի համար — Երևան - Аршакуняц, 4 (здание прессы)

Թատրոնը լավագույն վայրերից մեկն է դեռահասության տարիքն հետաքրքիր, անվտանգ և օգտակար անցկացնելու համար: Մեր նպատակն է ստեղծել մի տարածք, որտեղ կարելի է փորձել, սխալվել, բացահայտել ինքդ քեզ և ընկերներ գտնել: Դասընթացի ընթացքում. - Զարգացնում ենք ուշադրությունը, երևակայությունը և էմոցիոնալ ինտելեկտը: - Սովորում ենք չվախենալ բեմից և հանրային ելույթներից: - Աշխատում ենք խոսքի, շնչառության, առոգանության և ինքնավստահության վրա: - Շատ ենք խաղում ու կատակում: Դասընթացը վարում է Circle for Actors ստուդիայի մանկավարժ և ռեժիսոր Ուլյա Գուբարևան: Տևողությունը՝ 1 ամիս (8 պարապմունք, շաբաթական 2 անգամ՝ երեքշաբթի և հինգշաբթի): Դասընթացի ավարտից հետո հնարավոր է շարունակել և մասնակցել ներկայացման բեմադրությանը: Փորձնական պարապմունքի արժեքը՝ 2000 AMD: Գրանցվելու համար գրեք direct-ին:

Երևանի կամերային թատրոն

Ո՞րն է հայ ժողովրդի ազգային գաղափարախոսությունը, որո՞նք են գլխավոր նպատակները և ի՞նչ ուղղությամբ պիտի առաջ շարժվել։ Ներկայացում հայ ժողովրդի ծագման և կազմավորման պատմության մասին, որտեղ հնչում են ամենահրատապ հարցերի պատասխանները՝ ե՞րբ, որտե՞ղ և ինչպե՞ս է ծնունդ առել հայ ազգը։

Գաբրիել Սունդուկյանի անվան ազգային ակադեմիական թատրոն

Սիրո, կորստի, հավատի և վստահության մասին այս պատմությունը հյուսվում է երբեմն զվարճալի, երբեմն հուզառատ, երբեմն երկիմաստ տեսարաններից: Դրամա 1 գործողությամբ Բեմադրությունը՝ Ջոն Դուգլաս Բլոնդելլի (ԱՄՆ) Տոմսերն ամրագրելու համար զանգահարեք 010 527670 կամ 093 789392 հեռախոսահամարներով:

Գաբրիել Սունդուկյանի անվան ազգային ակադեմիական թատրոն

Սառա Ռուլի դրաման՝ մեկ գործողությամբ: Սիրո, կորստի, հավատի և վստահության մասին այս պատմությունը հյուսվում է երբեմն զվարճալի, երբեմն հուզառատ, երբեմն երկիմաստ տեսարաններից: Բեմադրությունը՝ Ջոն Դուգլաս Բլոնդելլի (ԱՄՆ): Տոմսերն ամրագրելու համար զանգահարեք 010 527670 կամ 093 789392:

«Բոհեմ» թատրոն

Երկու միայնակ մարդ մեծ քաղաքի տարբեր ծայրերից... Պատահական հանդիպում, որ դառնում է անխուսափելի կապ։ Նրանք փորձում են սիրել, փախչել, վերադառնալ, բայց իրենց ներսի լռությունը միշտ նրանց հետ է։ Ճոճանակի պես՝ հարաբերությունը շարժվում է՝ մոտեցումից մինչև հեռացում։ Դերերում՝ Նառա Սարգսյան, Արթուր Մուսայելյան Բեմադրությունը՝ Վանուհի Ղազարյանի Ներկայացնում է Հրազդանի Կամերային թատրոնը։

Կ. Ստանիսլավսկու անվան ռուսական դրամատիկական թատրոն

Պրեմիերա Փոքր բեմում՝ ըստ Նիլ Սայմոնի «Վերջին բոցավառ սիրահարը» պիեսի: Երեք կին, երեք ժամադրություն, մեկ ամուսնացած տղամարդ և ոչ մի շանս, որ ամեն ինչ կընթանա ըստ պլանի: Լեգենդար կատակերգություն սիրո, գայթակղության և խենթ որոշումների զվարճալի հետևանքների մասին: Ռեժիսոր՝ Սուրեն Շահվերդյան Բեմադրող նկարիչ՝ Աշոտ Տատևոսյան Զգեստների նկարիչ՝ Յուլյա Ֆինկ Դերերում՝ Արման Ղազարյան, Աննա Պուշկինա, Ելենա Վարդանյան, Թեյմինե Խաչատրյան: Տարիքային սահմանափակում՝ 18+: Տոմսերը կարող եք ամրագրել թատրոնի դրամարկղում՝ (+37410) 56-91-99 հեռախոսահամարով:

Երևանի թատրոնի և կինոյի պետական ինստիտուտ - Ամիրյան 26, Yerevan, Armenia

Երևանի մնջախաղի պետական թատրոնի «Մացառուտներ» անբարբառ դրամայի պրեմիերան։ Ներկայացումը պատմում է միայնակ հոգու մասին, որն արթնացնում է հուշերն այնտեղ, որտեղ խոսքերն անզոր են։ Հեղինակ և բեմադրիչ՝ Յուրի Կոստանյան Նկարչական ձևավորում՝ Մելս Գևորգյան Երաժշտական ձևավորում՝ Անուշ Գրիգորյան Դերերում՝ Յուրի Կոստանյան, Անուշ Գրիգորյան Բեմում՝ Երիտասարդական Էքսպերիմենտալ թատրոնի սաներ Տարիքային սահմանափակում՝ 12+ Տոմսերի համար զանգահարել՝ (+374) 98-123-132

Tomsarkgh.am - Հրազդանի դրամատիկական թատրոն

Երկու միայնակ մարդ՝ մեծ քաղաքի տարբեր ծայրերից. պատահական հանդիպում, որ դառնում է անխուսափելի կապ։ Նրանք փորձում են սիրել, փախչել, վերադառնալ, բայց իրենց ներսի լռությունը միշտ նրանց հետ է։ Ճոճանակի պես՝ հարաբերությունը շարժվում է՝ մոտեցումից մինչև հեռացում։ Դերերում՝ Նառա Սարգսյան, Արթուր Մուսայելյան Բեմադրությունը՝ Վանուհի Ղազարյանի

Երևանի կամերային թատրոն

Պատմություն մի անճանաչելի, բայց միևնույն ժամանակ հարազատ քաղաքի մասին, որտեղ բոլորը ծիծաղում են, սիրում, սխալվում ու ձևացնում, թե ամեն ինչ կարգին է: Տոմսերը հասանելի են erkat.am և tomsarkgh.am կայքերում կամ թատրոնի տոմսարկղում: Հարցերի համար զանգահարել 091566070:

Tomsarkgh.am - Վարդան Աճեմյանի անվան դրամատիկական թատրոն

Երիտասարդ գործարարը նավաբեկության հետևանքով կորցնում է հիշողությունը։ Ո՞վ է նա, և ինչպես է հայտնվում տարբեր իրավիճակներում՝ չի հիշում ոչինչ։ Ինչո՞ւ է անծանոթ կինն ամենուրեք, և ի՞նչ է նա ուզում։ Իրավիճակից դուրս գալու միակ ելքը անցյալի հիշողությունն է։ Անհրաժեշտ է միայն հիշել «Սերն ու Նարինջները»։

Երևանի կամերային թատրոն

«...Չկա՛ն տգեղ կանայք։ Կան կարճատե՛ս տղամարդիկ»: Այս «անպատասխանատու ներկայացումը» նվիրված է կանանց։ Այն համեմված է Արա Երնջակյանի նուրբ հումորով և կանանց մեծարմամբ: Պիեսի հեղինակ՝ Արա Երնջակյան Բեմադրող ռեժիսոր՝ Արշալույս Հարությունյան Երաժշտական գործիքավորում՝ Վահե Գրիգորյան Տևողություն՝ 1 ժամ 30 րոպե Տարիքային սահմանափակում՝ 16+

Հայաստանի երգի պետական թատրոն

Ի՞նչ կլինի, եթե մտնես մութ սենյակ։ Կգտնես ելք, թե՞ կմնաս այնտեղ ընդմիշտ: Միստիկ հեքիաթ մեծերի համար՝ ըստ Ամելի Նոտոմբի համանուն վեպի: Ռեժիսոր՝ Հրաչ Քեշիշյան Գլխավոր դերերում՝ Արսեն Գրիգորյան և Նարինե Պետրոսյան Տարիքային սահմանափակում՝ 16+ Տոմսերի համար՝ 010 56 67 90

Մհեր Մկրտչյանի անվան թատրոն

Էդուարդո դե Ֆիլիպպոյի հայտնի տրագիկոմեդիան՝ նեապոլցի ուժեղ կնոջ մասին, ով պայքարում է իր արժանապատվության, ընտանիքի և երեխաների ապագայի համար։ Բեմադրիչ և երաժշտական ձևավորման հեղինակ՝ Լյուդվիգ Հարությունյան Դերերում՝ Տիգրան Գաբոյան (ՀՀ վաստակավոր արտիստ), Տաթևիկ Մելքոնյան, Արամ Բախչինյան, Գարիկ Առաքելյան, Վազգեն Մկրտչյան, Մարի Գրիգորյան, Գեորգի Հովակիմյան, Լուսինե Ավանեսյան, Միլենա Ավանեսյան, Սարգիս Վարդևանյան, Ռուդիկ Մարտիրոսյան: Բեմանկարիչ և պաստառի հեղինակ՝ Իվանա Կրչադինաց Զգեստների նկարիչ՝ Տաթևիկ Մելքոնյան Լուսային ձևավորում՝ Էրիկ Բադալյան Տոմսերի համար զանգահարել՝ (010)-58-01-99 Տարիքային սահմանափակում՝ 18+

Ազգային Տիկնիկային Թատրոն

Լիրիկական կատակերգություն՝ ըստ Անտոն Չեխովի ստեղծագործությունների և նամակների։ Ներկայացումը հյուսված է Չեխովի իրական նամակներից, որոնք ուղղված են իր կնոջը, և նրա հայտնի «Առաջարկություն» կատակերգությունից։ Սա սիրո առօրյա, մի փոքր զվարճալի և հուզիչ կողմերի կոլաժ է՝ առանց չափազանցությունների և ողբերգական շեշտադրումների։ Ռեժիսոր՝ Վլադիմիր Տարասյանց Դերերում՝ Զառա Հկոբյան, Լուսինե Կոստանյան, Անտոն Աղաջանյան

Գաբրիել Սունդուկյանի անվան ազգային ակադեմիական թատրոն

Երեք ընկերուհի, դիակ և անկոչ հյուրեր՝ կեղծ հոգևորական ու երիտասարդ ոստիկան: Աղջիկների՝ դիակից ազատվելու ծրագիրը գնալով ավելի է խճճվում՝ ստեղծելով անելանելի ու զավեշտալի իրավիճակներ: Մուտքը՝ միայն սև հագուստով: Խորհուրդ է տրվում վերցնել թաշկինակներ՝ ծիծաղից լաց լինելու համար:

«Բոհեմ» թատրոն

Նարեկ Դուրյանի Bohem Theater-ը ներկայացնում է «Չորրորդ Հանրապետություն» բեմադրությունը։

Թատրոն տանիքին

Մի ներկայացում այն սերնդի մասին, որ ուզում էր ապրել ազատ, սիրել անկեղծ ու հավատալ, որ երազանքը կարող է ավելի ուժեղ լինել, քան վախը: «Մենք գնում էինք ոչ թե փախչելու, այլ գտնելու այն աշխարհը, որտեղ կարելի է ազատ շնչել»։

Կ. Ստանիսլավսկու անվան ռուսական դրամատիկական թատրոն

Ներկայացման հիմքում ընկած են հերոսուհիների ճակատագրերը, որոնցից ոմանք հայտնվել են այստեղ հուսահատությունից դրդված, իսկ ոմանք վաճառվել են որպես կենդանի ապրանք: Ստեղծագործողները ցույց են տալիս այն սարսափելի փակ շրջանը, որից ելք չկա: Տարիքային սահմանափակում՝ 18+: Տոմսերը կարող եք ամրագրել թատրոնի տոմսարկղում՝ (+37410) 56-91-99 հեռախոսահամարով:

Երևանի կամերային թատրոն

Սերգեյ Դանիելյանի նոր մոնո ներկայացումը փաստագրական տրագիկոմեդիայի ժանրում է: «Բալես», «Տիկնիկ» և «Ալիս» պատումները հիմնված են հոգեբանի կողմից տրամադրված իրական դեպքերի վրա: Տարիքային սահմանափակում՝ 16+

Tomsarkgh.am - Գյումրու «Մտորումների» Թատրոն

Լուսինե Աղաջանյանի ստեղծագործությունների սինթեզը հանդիսացող զավեշտախաղ։ Բանաստեղծություններ, պատկերներ Գյումրու կյանքից, հումոր ու զվարճալի փոխհարաբերություններ, որոնք համեմված են Գյումրվա «ծանր» պարով։ Հեղինակ՝ Լուսինե Աղաջանյան Բեմադրությունը՝ ՀՀ վաստակավոր արտիստ Հովհաննես Հովհաննիսյանի Պարերը՝ Ջուլիա Գալոյանի Դերերում. Աստղիկ Հարությունյան, Սամվել Առաքելյան, Մալվինա Խաչատրյան, Հովհաննես Սարգսյան, Ռոզա Հարությունյան, Դավիթ Մարդոյան։

Երևանի դրամատիկական թատրոն

«Ես ինձ օդի պես եմ զգում, օճառի պղպջակի կամ անցնող քամու։ Ես պարզապես այս աշխարհին չեմ պատկանում, և դրանով ամեն ինչ ասված է»։ Այսպես է իրեն բնութագրում կանանցով շրջապատված պոետ Օրնիֆլը։ Սակայն հենց այս այլաշխարհիկության զգացումն է նրան ներշնչում գրել բանաստեղծություններ, որոնք դիպչում են յուրաքանչյուրի սրտին։ Նրա գործերն այնքան մաքուր են, որ կանայք հայտնվում են նրա հմայքի տակ, իսկ տղամարդիկ չեն կարող չխոստովանել նրա անհերքելի տաղանդը։ Դերերում՝ Օրնիֆլ - ՀՀ Վաստակավոր արտիստ, ՀՀ Պետական մրցանակի դափնեկիր Հրաչյա Հարությունյան Կոմսուհի - ՀՀ Վաստակավոր արտիստ Լուիզա Ղամբարյան / Նաիրա Շախիրյան Ֆաբրիս - Լևոն Հախվերդյան Մարգարիտա - Մարիամ Ադամյան / Էմմա Մանուկյան Հայր Դյուբատոն - ՀՀ Վաստակավոր արտիստ, ՀՀ Պետական մրցանակի դափնեկիր Գրիգոր Գաբրիելյան / ՀՀ Վաստակավոր արտիստ Արմեն Բարսեղյան Մաշտյու - Արա Գևորգյան Օրիորդ Սյուպո - Նարինե Պետրոսյան Պրոֆեսոր Գալոպեն - ՀՀ Վաստակավոր արտիստ Էդուարդ Գասպարյան Բժիշկ Սուբիտես - Նարեկ Մարտիրոսյան / Կարեն Ճաղարյան Նենետտա - Լիզա Բարսեղյան Լրագրողներ - Աննա Մանուչարյան, Էմմա Մկրտչյան, Լիդիա Գրիգորյան, Նարեկ Քթոյան, Ռոբերտ Զախարյան, Վլադիմիր Մսրյան, Արմեն Մեսրոբյան, Էվելինա Շախիրյան /կրտսեր /, Քրիստինե Ամիրգուլյան, Լուսիա Հովհաննիսյան

Սոս Սարգսյանի անվան համազգային թատրոն

Տոմսերի ամրագրման համար զանգահարել 010303002, 010303004 կամ 094 539415 հեռախոսահամարներով:

Սոս Սարգսյանի անվան համազգային թատրոն

Ըստ Դանիիլ Խարմսի Բեմադրիչ՝ Նարինե Գրիգորյան

Մհեր Մկրտչյանի անվան թատրոն

Ֆլորիան Զելլերի հոգեբանական դրաման՝ մեկ գործողությամբ։ Ներկայացման գործողությունները տեղի են ունենում երկու զուգահեռ իրականությունում՝ անցյալում և ներկայում: Մի իրականությունում երիտասարդ գրող Պիեռը ողջ է, մյուսում՝ մահացած: Աննան՝ նրա կինը, կասկածում է ամուսնուն դավաճանության մեջ: Հեղինակն այնպես է խճճել իրադարձությունները, որ դժվար է հասկանալ՝ որն է իրականությունը, որը՝ մտացածինը: Սա մի պատմություն է սիրել չկարողանալու մասին, որտեղ մարդիկ ցավ են պատճառում իրենց մտերիմներին՝ անկախ նրանից թաքցնում են իրականությունը, թե ոչ: Բեմադրիչ՝ Տաթևիկ Մելքոնյան Դերերում՝ Տաթև Հովակիմյան, Հարություն Հովհաննիսյան, Թելման Խաչատրյան, Միլենա Ավանեսյան Տարիքային սահմանափակում՝ 18+ Ուշադրություն. ներկայացման ձևաչափից ելնելով՝ 20:00-ից հետո մուտքը դահլիճ խստիվ արգելվում է:

Մհեր Մկրտչյանի անվան թատրոն

Ջաննի Ռոդարիի ստեղծագործության հիման վրա բեմադրված այս ներկայացումը բաղկացած է հինգ հեքիաթից։ Հեքիաթների հերոսների հետ միասին երեխաները դառնում են գործողության անմիջական մասնակիցը։ Այս հինգ պատմությունները միավորում է մեկ ընդհանուր գաղափար․ աշխարհը հրաշալի է, և մեզանից յուրաքանչյուրը պետք է ջանք չխնայի այն էլ ավելի լավը դարձնելու համար։ Տոմսերի համար զանգահարել՝ 010 580199 կամ 043030199։

Գաբրիել Սունդուկյանի անվան ազգային ակադեմիական թատրոն

Երաժշտական և ինտերակտիվ ներկայացում՝ լի ծիծաղով, արկածներով և անակնկալներով։ Երեխաները դառնում են պատմության մասնակիցներ և օգնում սիրելի հերոսներին։ Մինչև 4 տարեկան երեխաների մուտքը մեծահասակի ուղեկցությամբ անվճար է։

Հայաստանի երգի պետական թատրոն

Գունեղ, ուրախ ու կախարդական ճանապարհորդություն՝ լի երգերով, պարերով և հետաքրքիր խաղերով։ Ինտերակտիվ ներկայացման ընթացքում երեխաները ոչ միայն կդիտեն, այլև կդառնան ներկայացման լիարժեք մասնակիցներ՝ բացահայտելով գույների կախարդական աշխարհը: Ամրագրման համար զանգահարել 010 56 67 90 հեռախոսահամարով։

Վարդանյան եղբայրներ - Շառլ Ազնավուրի այգի, ք. Վանաձոր, Yerevan, Armenia

Գինեսի ռեկորդակիրների, «Մինուտա Սլավիի» հաղթողների և Բուդապեշտի փառատոնի մրցանակակիրների մեծամասշտաբ կրկեսային ներկայացումը։ Ծրագրում՝ • Վարդանյան եղբայրների բացառիկ ելույթը • Ակրոբատներ և օդային մարմնամարզիկներ • Վիրտուոզ ժոնգլյորներ • Ծաղրածուներ և ինքնատիպ կրկեսային համարներ Տոմսերի ամրագրում՝ +374 93 66 55 19

Tomsarkgh.am - Բյուրական Հանդ արտ գարդեն

Վիլյամ Սարոյանի խորհրդանշական ու հուզիչ «Խաղողի Այգին» ստեղծագործության թատերական պրեմիերան՝ բաց երկնքի տակ։ Պատմություն մարդկային ապրումների խորության, կյանքի հեգնանքի և հավերժ երիտասարդ հույսի մասին։ Ներկայացումից բացի այցելուներին սպասվում է տեղական խոհանոց և հայկական հյուրընկալություն Byurakan Hand Art garden-ում։ Գործում է երկկողմանի տրանսֆեր՝ 2500 դրամ։ Մանրամասների և ամրագրման համար կարող եք կապվել Bemel Production-ի հետ։ Եղանակային պայմանների պատճառով չեղարկման դեպքում տոմսերը վերադարձի ենթակա չեն, սակայն դրանք կարող են օգտագործվել հաջորդ ներկայացման կամ այլ միջոցառման ընթացքում։

Կ. Ստանիսլավսկու անվան ռուսական դրամատիկական թատրոն

Շոկային ժամանակակից ողբերգություն՝ ըստ Վ. Շեքսպիրի «Համլետ» պիեսի, որտեղ խենթությունն այլևս ընտրություն չէ, այլ քայքայվող համակարգի ախտանիշ։ Սա մի տոքսիկ իրականություն է, որտեղ իշխանությունը ճնշում է վախով, սերը հաշմում է, իսկ ընտանիքը վերածվում է դավաճանների։ Բեմադրիչ՝ Սուրեն Շահվերդյան Բեմագիրներ՝ Սուրեն Շահվերդյան, Նառա Ստեփանյան Դերերում՝ Գոռ Համբարձումյան, Էրվին Ամիրյան, Նարինե Պետրոսյան, Ելենա Վարդանյան, Արման Ղազարյան, Կարեն Հակոբյան, Արեն Խաչատրյան և այլք։ Տարիքային սահմանափակում՝ 18+: Տոմսերի ամրագրում՝ (+37410) 56-91-99:

Կ. Ստանիսլավսկու անվան ռուսական դրամատիկական թատրոն

Ներկայացման պրեմիերա: Տարիքային սահմանափակում՝ 18+:

Երևանի կամերային թատրոն

Իշխանության ձգտումը, ճակատագրի կանխագուշակումներն ու մարդկային բնույթի ամենամութ կողմերը միահյուսվում են Շեքսպիրի ամենահզոր ողբերգություններից մեկում։ Այս բեմադրությունում «Մակբեթ»-ը ներկայանում է նոր շնչով՝ ստեղծելով լարված, խորհրդավոր ու հուզող մթնոլորտ։ Տոմսերը հասանելի են erkat.am և tomsarkgh.am կայքերում։

Երևանի դրամատիկական թատրոն

Կատակերգություն (16+) ՌԵՅ ԿՈՒՆԻ, ՋՈՆ ՉԵՊՄԵՆ Իրավիճակային կոմեդիա լի սիրային խառնաշփոթով, անմեղ դավաճանության փորձերով, զավեշտով և իհարկե լիաթոք ծիծաղով: Դերերում` Ֆիլիպ Մարկհեմ - Գագիկ Մկրտչյան Յոհաննա Մարկհեմ - Արուսիկ Գրիգորյան Հենրի Լոդջ - Վլադիմիր Մսրյան Լինդա Լոդջ - Մարիամ Ադամյան / Էմմա Մկրտչյան Ալիստեր Սպենլոու - Նիկոլայ Ավետիսյան Միսս Բրաուն - Էվելինա Շահիրյան Ուոլտեր Պենգբերն - Վահագն Գալստյան / Արմեն Մեսրոբյան Միսս Ուիլկինսոն - Աննա Մանուչարյան / Լիդա Լևոնյան Սիլվիա - Էմմա Մանուկյան Ներկայացման տևողությունը 1 ժամ 30 րոպե: Տոմսերի արժեքը՝ 3000, 4000դր.: