«ՀայԱրտ» կենտրոն

Իսլանդացի ճանաչված արվեստագետ Ռոզա Գիսլադոտիրի անհատական ցուցահանդեսի փակման արարողությունը: Ցուցահանդեսը ներկայացնում է 223 արվեստի օբյեկտ, որոնք բացահայտում են հեղինակի ինքնատիպ գեղարվեստական լեզուն և խորհրդածություններ ժամանակի, բնության ու հիշողության շուրջ: Հատուկ Երևանի համար ստեղծված հինգ աշխատանքները ցուցահանդեսի ավարտից հետո կմնան HayArt կենտրոնի մշտական հավաքածուում:

Գեղարվեստական լուսանկարչության առաջին միջազգային համաժողովը Երևանում։ Համաժողովը հարթակ է լուսանկարչության, հիշողության, արխիվների և ժամանակակից տեսողական արվեստի շուրջ մասնագիտական երկխոսության համար: Մասնակիցների թվում են լուսանկարիչներ, համադրողներ, թանգարանների տնօրեններ, հետազոտողներ և արվեստի կառավարիչներ Եվրոպայից ու աշխարհի տարբեր երկրներից: Այս նախաձեռնությունը հիմք է հանդիսանում Հայաստանում Գեղարվեստական լուսանկարչության միջազգային բիենալեի հիմնադրման համար: