Լուսանկարչության երկուհարյուրամյա հոբելյանին նվիրված հետահայաց ցուցադրություն, որն առաջին անգամ Հայաստանում ներկայացնում է Թորոս Ալաջաջյանի հսկայածավալ ժառանգությունը։ Փարիզյան լուսանկարչական տպագրության վարպետն իր վեց տասնամյակի գործունեության ընթացքում համագործակցել է աշխարհահռչակ լուսանկարիչների հետ՝ ստեղծելով անալոգային արվեստի բացառիկ նմուշներ։ Ցուցահանդեսում ներկայացված են 114 սև-սպիտակ լուսապատկերներ 13 երկրի 55 հեղինակներից, այդ թվում՝ Henri Cartier-Bresson, Sebastião Salgado, Marc Riboud և Josef Koudelka։ Այս ցուցադրությունը բացահայտում է լուսանկարչի և տպագրության վարպետի միջև ծավալվող երկխոսությունը, որի արդյունքում ծնվում է լուսանկարչական վերջնական կերպարը։