CYFEST 17 փառատոնի կրթական ծրագրի շրջանակում բեռլինաբնակ արվեստագետ և տեսաբան Ալեքսեյ Կոստրոման կներկայացնի իր «Organic Way» հայեցակարգը՝ անդրադառնալով բնական և սոցիալական օրենքների, նյութի, համակարգերի, ժամանակի և իմաստի փոխկապակցվածությանը։ Հանդիպման ընթացքում նա կխոսի իր պրակտիկայի առանցքային նյութերի ու «գեղարվեստական նշանների» (ձվի կճեպ, սպիտակ փետուրներ, թվեր, կիտրոնադեղին պիգմենտ), ինչպես նաև կետի՝ որպես կենտրոնացման, անցման, ավարտի և սկզբի գաղափարի մասին։ Հանդիպումը տեղի կունենա Creativity Hall-ում։