Մեդիա արվեստի միջազգային փառատոնը միավորում է ավելի քան 35 արվեստագետների, որոնք աշխատում են մեդիա արվեստի, ինստալյացիայի, վիդեոյի, ձայնի, ռոբոտատեխնիկայի և պերֆորմանսի ոլորտներում։ «Natura Naturans. Մարդիկ, Բնություն, Բնապատկեր» ցուցահանդեսն ուսումնասիրում է մարդու, տեխնոլոգիայի և բնական աշխարհի փոխհարաբերությունները՝ արևի լույսից, մագնիսական դաշտերից և երկրաբանական նյութից մինչև տիեզերական ճառագայթում և էլեկտրամագնիսական ազդանշաններ։ Ծրագրում՝ պերֆորմանսներ, վիդեոմեփինգ, զրույցներ, ցուցադրություններ և ձայնային նախագծեր Կասկադի տարբեր տարածքներում։