Բուրդը Հայաստանի նյութական մշակույթի կարևոր բաղկացուցիչն է։ Այսօր այն նաև առաջադրում է հարցեր՝ ռեսուրսների օգտագործման, նյութի արժեքի և ժամանակակից դիզայնում արհեստագործական գիտելիքների դերի մասին։ Arm.wool-ի ներկայացուցիչներ Անի Մկրտչյանը, Թիմոթի Սթրեյթը և Շվեդիայի Axfoundation կազմակերպության ներկայացուցիչ Յոհան Սիդենմարկը կքննարկեն, թե ինչպես կարելի է վերաիմաստավորել բուրդը՝ համադրելով արհեստագործական հմտությունները, նյութական նորարարությունն ու կայուն դիզայնը։ Հենվելով Հայաստանի և Շվեդիայի փորձի վրա՝ բանախոսները կանդրադառնան այն հարցին, թե ինչպես կարելի է նոր կիրառություններ գտնել թերարժևորված բնական ռեսուրսի համար, և ինչպես կարող է արհեստագործ վարպետների, դիզայներների ու նյութերի հետազոտողների համագործակցությունը նոր հնարավորություններ բացել։ Դասախոսությունը ոլորտի ներկայացուցիչներին հրավիրում է վերանայել օգտագործվող նյութերի ընտրությունը, ուսումնասիրել ավանդույթի և նորարարության փոխհարաբերությունն ու մտածել, թե ինչպես կարող է դիզայնը արժեք ստեղծել պատրաստի արտադրանքից անդին։ Մուտքն ազատ է նախնական գրանցումով։