Կենսաբազմազանության COP-17 համաժողովի շրջանակում կներկայացվի ցուցադրություն, որն ամփոփում է HEAR-ի, Գեղարվեստի պետական ակադեմիայի և Թումո ստուդիաների ինը ուսանողների եռօրյա աշխատանքը արվեստագետ և փիլիսոփա Լյուդովիկ Դյումի ղեկավարությամբ։ Դյումի հետազոտությունները կենտրոնանում են գեղագիտության, տեխնոլոգիաների, քաղաքականության և էկոլոգիայի փոխհատումների վրա։ Նրա գեղարվեստական պրակտիկան ուսումնասիրում է մարդու ազդեցությամբ ձևափոխված լանդշաֆտների և դրանցում գոյակցող կենդանի համակարգերի միջև եղած լարվածությունը՝ գծանկարի, քանդակի և պերֆորմանսի միջոցով։ Աշխատանքը մեկնարկել է Հրազդան գետի երկայնքով զբոսանքով՝ աշխարհին գետի և նրա ոչ մարդկային բնակիչների տեսանկյունից նայելու նպատակով։ Առարկաների, պատմությունների և տեքստերի միջոցով ուսանողները ստեղծել են ցուցադրություն, որը ձայն է տալիս գետին։