22 րոպե տևողությամբ ժամանակակից պարային ներկայացում, որի խորեոգրաֆն ու կատարողն է Արփինե Միրզոյանը։ Ներկայացման հիմքում հեղինակի աբսուրդիստական գրական գործն է։ Գործողությունը ծավալվում է անդեմ էակներով բնակեցված ստորգետնյա միջավայրում, որտեղ մարմինը դառնում է արտահայտչականության գլխավոր միջոցը։ Ներկայացումը պատմում է հոգեբանական ու էմոցիոնալ սպիների կուտակման, հին շերտերից ազատվելու և վերափոխված նոր ինքնության ծննդի մասին՝ համադրելով շարժումը, տարածությունը, լույսն ու երաժշտությունը։