Արվեստի գործը փակ, մեռած օբյեկտ չէ, այլ էներգիա, որը ձևափոխվում է, շարժվում և վերածնվում: Պերֆորմանսը «Երկար» գրքի, ինչպես նաև հեղինակի մարմնի ու ձայնի մետամորֆոզն է: Միկրոֆոնի առջև կարդալով քառյակները՝ Երեմ Կարապետյանը պոկում է էջերը և փակցնում իր մաշկին ու մարմնին: Գրքից մնում է դատարկ կազմը, իսկ մարմինը վերածվում է կենդանի, շնչող «տեքստի»: Որպես վերջնական ազատագրման և հայեցակարգային ավարտի ակտ՝ հեղինակը կտրում է մազերը, տեղադրում դրանք դատարկ կազմի մեջ՝ տարածության մեջ թողնելով միայն վերածնված ներկայությունը: Տևողությունը՝ 20 րոպե: