Շուրջ հիսուն ցուցանմուշ Բեռլինի Թանգարանային կղզու վեց թանգարաններից՝ համադրված Հայաստանի պատմության թանգարանի հավաքածուի հետ: Ցուցադրված են տարբեր երկրներից հայտնաբերված ծիսական անոթներ, կնիքներ, զարդեր, զենքեր և ճարտարապետական զարդաքանդակներ, որոնք կրում են տիեզերագիտական ու առասպելաբանական պատկերացումների հետքերը՝ հին աշխարհից մինչև միջնադար և արդի ժամանակներ: Ցուցահանդեսը նվիրված է ՀՀ անկախության 35-ամյակին և Բեռլինի Թանգարանային կղզու հիմնադրման 200-ամյակին: