Միջազգային ցուցահանդես՝ Բուդապեշտի Պետոֆի գրական թանգարանում ներկայացված ցուցադրական նյութերի նորովի մեկնաբանությամբ, որը պատմում է միջնադարյան հայկական մայրաքաղաք Անիի ավերակների ուսումնասիրման, վերաիմաստավորման, Հայաստանում և այլուր դրա ակադեմիական, պահպանողական, խորհրդանշական ու հիշատակման պատումների ու ընկալումների մասին։ Անիի վերապրումային դրսևորումները ներկայացված են Անիի Հնադարանից պահպանված թանգարանային հավաքածուների, ինչպես նաև Հայաստանի ազգային արխիվի, Ե․ Չարենցի անվան գրականության և արվեստի թանգարանի ու Երևան քաղաքի պատմության թանգարանի բնօրինակ մշակութային արժեքների համադրությամբ։ Ցուցահանդեսը կապվում է Անիի Հնադարանին և Անի քաղաքին նվիրված մշտական հատվածների հետ՝ ներառելով մուլտիմեդիոն նյութեր՝ արխիվային լուսանկարներ, գեղարվեստական ստեղծագործություններ, հրատարակություններ և վավերագրական ֆիլմեր։ Համադրողներ՝ Կարեն Ջալլաթյան, Կոնրադ Սիեկիերսկի Համադրությունը Հայաստանի պատմության թանգարանում՝ Դավիթ Պողոսյանի Հիմնական հետազոտողներ՝ Էլկե Հարթման, Բալինտ Կովաչ