Միխայիլ Վռուբելի 170-ամյա հոբելյանին նվիրված ժամանակավոր ցուցադրություն, որտեղ ներկայացված է նկարչի «Դևը և Հրեշտակը Թամարայի հոգու հետ» աշխատանքը: 1995-ին թանգարանից գողացված կտավը հայտնաբերվել է 2017-ին և Տրետյակովյան պատկերասրահի վերականգնող Իննա Սոլովյովայի ղեկավարությամբ անցել 8-ամսյա վերականգնում: Կտավը ստեղծվել է 1891-ին՝ Միխայիլ Լերմոնտովի մահվան 50-ամյա տարելիցի հոբելյանական հրատարակության համար և հանդիսանում է «Դևը» պոեմին նվիրված շարքի եզրափակիչ սյուժետային թերթը: Աշխատանքը նախկինում պատկանել է Սավվա Մամոնտովին, ապա պրիմա-բալերինա Եկատերինա Գելցերին, որի հավաքածուից այն ձեռք է բերել թանգարանի հիմնադիր Արամ Աբրահամյանը: Հարցերի դեպքում՝ +374 10 56 08 72