Հետազոտահեն ցուցահանդես՝ նվիրված թանգարանի հավաքածուի XIX-XX դարերի քիչ ճանաչված կին արվեստագետների ստեղծագործություններին։ Տարբեր սերունդների, դպրոցների և ճակատագրերի կին արվեստագետները դիմում են միևնույն ժանրին՝ նատյուրմորտին՝ վերածելով այն ինքնարտահայտման և աշխարհին ուղղված ինքնուրույն հայացքի։ Ներկայացվող գեղանկարչական ու գրաֆիկական աշխատանքների մեծ մասը ցուցադրվում է առաջին անգամ։ Հինգ կին արվեստագետ․ • Պոլինա Կրայց (Մաշկովի, Լենտուլովի և Ֆալկի աշակերտուհին, նատյուրմորտների, դիմանկարների ու թատերական ձևավորումների հեղինակ) • Ագնեսա Լինդեման («Ռուս նկարիչների միության» և «Ռուսական բնանկար» ցուցահանդեսների մասնակից) • Մարիա Սինյակովա (ֆուտուրիստական «Մարսեցիների շեփորը» մանիֆեստը ստորագրողներից մեկը, որի գրքային գրաֆիկան պահվում է Նյու Յորքի MoMA թանգարանում) • Մարիա Յակունչիկովա-Վեբեր (Աբրամցևոյի խմբակի անդամ, «Արվեստի աշխարհ» ամսագրի շապիկների էսքիզների հեղինակ) • Վերա Ֆավորսկայա (ՎԽՈՒՏԵՄԱՍ-ի սան, ում աշխատանքները պահվում են Տրետյակովյան պատկերասրահում և Պետերբուրգի Ռուսական թանգարանում) Լինելով իրենց դարաշրջանի գեղարվեստական կյանքի կենտրոնում և համագործակցելով ժամանակի խոշոր վարպետների հետ՝ այս արվեստագետները երկար տարիներ մնացել են արվեստի պատմության ստվերում։ Ցուցադրությունը նպատակ ունի վերադարձնելու նրանց անունները մասնագիտական ու հանրային քննարկումներին։ Համադրող՝ Սյուզաննա Քանքանյան Ցուցահանդեսը կգործի մինչև 2027 թ․ փետրվարի 14-ը։ Մուտքը՝ թանգարանի տոմսով։