Արշավ Խոսրովի արգելոցում՝ Գառնի գյուղից դեպի հայ հեթանոսական աստվածներ Աստղիկի և Վահագնի անունները կրող ջրվեժները։ Ճանապարհին կտեսնենք նաև «Քարերի սիմֆոնիան»։ Երթուղու երկարությունը՝ 18 կմ։ Արժեքը ներառում է՝ տրանսպորտ և գիդի ծառայություն։ Արժեքը չի ներառում՝ արգելոցի մուտքավճարը (+2 000 դրամ ՀՀ քաղաքացիների համար, +4 000 դրամ օտարերկրացիների համար)։ Անհրաժեշտ իրեր՝ • Ուսապարկ (պարտադիր) • Քայլարշավային փայտեր (ցանկալի) • Մեկ օրվա սնունդ և առնվազն 1,5 լ ջուր • Անձնական դեղատուփ • Արևային ակնոց, գլխարկ և արևապաշտպան քսուք • Տաք հագուստ և անձրևանոց • Ճակատային լապտեր • Սպորտային, հարմարավետ հագուստ, քայլարշավային կամ կոշտ ներբանով սպորտային կոշիկներ, ինչպես նաև պահեստային զույգ կոշիկ Գրանցման կարգը՝ 1. Զանգահարել 043 00 5165 հեռախոսահամարով կամ հաղորդագրություն գրել Armenian Geographic-ի ֆեյսբուքյան էջին: 2. Առաջին անգամ միանալու դեպքում լրացնել արշավականի հարցաթերթիկը: 3. Կատարել բանկային փոխանցում «Արմգեո» ՍՊԸ-ին (նշելով անուն, ազգանունը կամ հեռախոսահամարը): 4. Փոխանցման անդորրագիրն ուղարկել Armenian Geographic-ի ֆեյսբուքյան էջին՝ գրանցումը հաստատելու համար: Գրանցումը կարելի է չեղարկել արշավից առնվազն մեկ օր առաջ մինչև 12:00-ն: Ուշացողներին չեն սպասում, ավտոբուսից ուշանալու դեպքում գումարը չի վերադարձվում: Խնդրում ենք մոտենալ առնվազն 10 րոպե շուտ: