Շրջանաձև աշնանային արշավ Դսեղի անտառներով և պատմական կոթողներով, որը հարմար է նաև սկսնակների համար: Երթուղին սկսվում է Դսեղ գյուղից, տանում դեպի 13-րդ դարի Բարձրաքաշ Սուրբ Գրիգոր եկեղեցի, շարունակվում Մարցի կիրճով և հասնում «Սիրուն խաչ» խաչքարին, որտեղից բացվում է Մարտիրոս Սարյանի՝ 5000 դրամանոց թղթադրամի վրա պատկերված կտավի տեսարանը: Կանգառ է նախատեսված Սպիտակի ֆուդ կորտում: Ուղեկցորդ՝ Քրիստ Պողոսյան Երթուղու երկարությունը՝ 9 կմ Հարաբերական բարձրությունը՝ 600 մ Արժեքը ներառում է՝ - Տրանսպորտ - Ուղեկցորդի ծառայություն Անհրաժեշտ և առաջարկվող պարագաներ՝ - Ուսապարկ (պարտադիր) - Քայլարշավային ձեռնափայտեր (ցանկալի) - Մեկ օրվա սնունդ և առնվազն 1,5 լ ջուր - Անհատական դեղատուփ - Արևային ակնոց, գլխարկ և արևապաշտպան քսուք - Տաք հագուստ, անձրևանոց և լապտեր - Սպորտային հարմարավետ հագուստ, արշավային կոշիկներ կամ կոշտ ներբանով մարզակոշիկներ, ինչպես նաև պահեստային կոշիկ Գրանցում՝ զանգահարել 043 00 5165 հեռախոսահամարով կամ գրել Armenian Geographic-ի ֆեյսբուքյան էջին (երկուշաբթիից շաբաթ, 10:00-18:30): Առաջին անգամ միացողների համար պարտադիր է լրացնել մասնակցի հայտը: Վճարումը կատարվում է բանկային փոխանցումով «Արմգեո» ՍՊԸ-ին (նպատակադաշտում նշել անուն-ազգանունը կամ հեռախոսահամարը), իսկ անդորրագրի նկարը պետք է ուղարկել ֆեյսբուքյան էջի նամակագրությանը: Մասնակցությունը կարելի է չեղարկել և գումարը ետ ստանալ մինչև արշավի նախորդ օրվա ժամը 12:00-ն: Խնդրում ենք մոտենալ առնվազն 10 րոպե շուտ. ուշացած մասնակիցներին ավտոբուսը չի սպասում, և գումարը չի վերադարձվում: