Հայաստանի ազգային պատկերասրահի «Հեռապատումներ» ծրագիրը ներկայացնում է Կարեն Օհանյանի վերջին շրջանի աշխատանքների ցուցադրությունը։ Ցուցահանդեսը ծավալվում է «բան» բառի բազմաթիվ իմաստների շուրջ՝ անդրադառնալով այն նուրբ թեմաներին, որոնց մասին հաճախ խուսափում ենք խոսել՝ իշխանություն, առնականություն, բռնություն և խոցելիություն։ Ներկայացված գործերը դիտարկում են մարմինները, հիշողությունները և կառուցվածքները կազմող նյութը՝ ենթադրելով, որ հենց փխրունությունն է այն պայմանը, որից ծնվում են իսկական ուժն ու տոկունությունը։ Աշխատանքները պատվիրվել են Շարժայի արվեստի հիմնադրամի և Ադամյան Հովսեփյան կուրատորական պրակտիկայի կողմից։ Համադրող՝ Թամար Հովսեփյան