Հաղթանակի օրվան նվիրված կամերային ցուցահանդեսը ներկայացնում է պատերազմը ոչ թե հերոսականացման, այլ մարդկային ճակատագրերի բեկման և ընդհատված կենսագրությունների դիտանկյունից։ Ցուցադրության առանցքում երեք ստեղծագործություն են. • Սեդրակ Առաքելյան, «Պարտիզանների հարձակումը» (1941) — պատերազմի անմիջական իրականությունն ու անորոշությունը • Սարգիս Ալեքսանյան, «Մոր դիմանկարը» — անհատի և ընտանիքի ապրած անտեսանելի կորուստը • Կորյուն Սիմոնյան, «Ֆիդայու մահը» (1936) — ճակատագրական ավարտի կանխազգացումը Սարգիս Ալեքսանյանը և Կորյուն Սիմոնյանը մասնակցել են պատերազմին և զոհվել ռազմաճակատում. նրանց գործերը հանդես են գալիս որպես անավարտ ստեղծագործական ուղիների վկայություններ։ Համադրող՝ Մարգարիտա Խաչատրյան Ցուցահանդեսը տեղակայված է պատկերասրահի 3-րդ հարկի նախասրահում։