«Հովհաննես Շարամբեյան – 100. Հիշողության պատկերագրություն» ցուցահանդեսի համադրողական շրջայց, որը կվարի ցուցահանդեսի համադրողներից Ազգային պատկերասրահի Հայկական գեղանկարչության բաժնի վարիչ Հայկուհի Սահակյանը: Շրջայցի ընթացքում կներկայացվի գեղանկարիչ, գրաֆիկ, ՀԽՍՀ արվեստի վաստակավոր գործիչ Հովհաննես (Վանիկ) Շարամբեյանի (1926–1986) ստեղծագործական լայն ընդգրկումը։ Կբացահայտվեն նրա արվեստի ու բազմաշերտ գործունեության առանձնահատկությունները՝ դիտարկված որպես անցյալի ժառանգությունը ներկային փոխանցող «հիշողության պատկերագրության» ամբողջական համակարգ: Մուտքը՝ պատկերասրահի տոմսով: