Քայլարշավ Փամբակի լեռնաշղթայում՝ Արտավազ գյուղ – Արտավազ լեռ – Փյունիկ երթուղով։ Արտավազ գետակի կիրճով և ժայռոտ բարձունքներով բարձրանալու ենք մինչև Արտավազի գագաթ (2929 մ), որտեղից բացվում է տեսարան դեպի Փամբակի ողջ լեռնաշղթան, Թեժլեռը, Մարմարիկի հովիտը, իսկ պարզ եղանակին՝ նաև Սևանա լիճը։ Գագաթամերձ հատվածում կտեսնենք բնական հուշարձան հանդիսացող «Ռելիկտային կրկեսը»։ Վայրէջքը կատարվելու է Փյունիկ գետակի հովտով դեպի Փյունիկ գյուղ։ Երթուղու մանրամասները՝ - Ընդհանուր երկարություն՝ 14 կմ - Հարաբերական բարձրություն՝ 1000 մ Արժեքը ներառում է տրանսպորտը (միկրոավտոբուս) և ուղեկցորդ-գիդի ծառայությունը։ Անհրաժեշտ պարագաներ՝ արշավային հաստ տակացուով կոշիկներ, սպորտային հագուստ, արևապաշտպան քսուք և գլխարկ, անձրևանոց/թիկնոց, ուսապարկ, մեկ օրվա սնունդ, ջուր, լապտեր։ Մեկնարկը՝ Սախարովի հրապարակից։ Չեղարկել հնարավոր է մինչև ուրբաթ 24:00. շաբաթ օրը հրաժարվելու դեպքում արժեքը վճարվում է ամբողջությամբ։ Գրանցման համար զանգահարել՝ 091 321252։