Աշնանային քայլարշավ Արեգունի լեռների փեշերով՝ Կենացբլուր լեռան գագաթ բարձրանալու հնարավորությամբ: Երթուղին սկսվում է Կալավան գյուղից, բարձրանում դեպի Արեգունի լեռնաշղթայի Կենացբլրի լեռնաճյուղի փեշերը և հասնում լեռան ստորոտ: Ցանկության դեպքում մասնակիցները կարող են բարձրանալ լեռնաճյուղի ամենաբարձր Կենացբլուր լեռան ժայռոտ գագաթը (2428 մ), որտեղից բացվում են տեսարաններ դեպի Միափորի լեռներն ու Գետիկի հովիտը: Իջնելիս ճանապարհն անցնում է անտառային լճակների կողքով և տանում Բարեպատ գյուղ: Երթուղու տվյալներ. • Երկարությունը՝ 15 կմ • Հարաբերական բարձրությունը՝ 700 մ • Մասնակիցների քանակը՝ 15–20 հոգի (միկրոավտոբուսով) Արժեքը ներառում է տրանսպորտի և ուղեկցորդ-գիդերի ծախսերը: Մեկնարկի վայրը՝ Սախարովի հրապարակ: Անհրաժեշտ իրեր՝ արշավային հաստ տակացուով կոշիկներ, տաք հագուստ, անձրևանոց, ուսապարկ, մեկօրյա սնունդ և ջուր, լապտեր: Չեղարկման պայմաններ. գրանցվելուց հետո հրաժարվել կարելի է մինչև ուրբաթ օրվա գիշերվա ժամը 24:00-ը: Շաբաթ օրը հրաժարվելու դեպքում մասնակիցը պարտավորվում է վճարել գումարն ամբողջությամբ: Մանրամասների համար՝ 091 321252: