Մոր մահվան կապակցությամբ Էնցո Ռիգին վերադառնում է Նեապոլ իր երկու եղբայրների՝ Ստեֆանոյի և Չիկոյի մոտ: Մայրը կտակ էր թողել և պայման դրել, որ երեք եղբայրները ժառանգությունն ամբողջությամբ կստանան միայն միասին ապրելու դեպքում: Սակայն հանգուցյալ մայրիկը հաշվի չէր առել իր զավակների տարբեր խառնվածքները: Էնցոն զբոսաշրջային նավերի վրա նվագող միջակ երաժիշտ է՝ խաղամոլ ու անպատասխանատու. Ստեֆանոն արժութային շուկայի գործակալ է՝ միշտ ընկճված, անձնական կյանքում էլ՝ անհաջողակ... հենց նա էր վերջին տարիներին խնամում և՛ անկողնային հիվանդ մայրիկին, և՛ Չիկոյին, որն իր սեփական՝ խաղերի իրականության մեջ է ապրում ու մշտական խնամքի կարիք ունի: Ինչևէ, մայրիկի կամքը պետք է կատարվի, ու սկսվում է երեք եղբայրների՝ կասկածելի հեռանկար ունեցող, հարկադրական համատեղ կյանքը... Հեղինակ՝ Վինչենցո Սալեմմե Բեմադրությունը՝ Դավիթ Հակոբյանի Բեմանկարիչ՝ Դավիթ Մինասյան Երաժշտական ձևավորում՝ Արմեն Շահինյան, Սամ Սարյան Զգեստների նկարիչ՝ Թամարա Բարոյան Թարգմանիչ՝ Վահե Գևորգյան Դերերում՝ Վարշամ Գևորգյան, Արման Նավասարդյան, Ստեփան Ղամբարյան, Դավիթ Հակոբյան Տարիքային սահմանափակում՝ 16+