Ընտանեկան երաժշտական ներկայացում՝ երկու գործողությամբ (3+): Մեկ բեմադրության մեջ միավորվել են երկու հեքիաթ՝ Հովհաննես Թումանյանի «Տերն ու ծառան» և Հանս Քրիստիան Անդերսենի «Ծերուկն իր գործը գիտի»։ Թեման մեկն է՝ բարկանալը։ Բարկանա՞լ, թե՞ չբարկանալ․ չէ՞ որ բարկացողը շատ բան է կորցնելու: Առաջին գործողության մեջ տերը ծառաներին հասցնում է զայրույթի ու հարստություն դիզում, մինչև հայտնվում է նա, ով գիտի՝ ինչպես սրա հախից գալ։ Երկրորդում՝ ծերուկը շուկայում անմիտ փոխանակումներ է անում իրենց վերջին ունեցվածքով, իսկ ականատեսները գրազ են գալիս, թե արդյոք տանը սպասող պառավը կզայրանա: Բեմադրությունը՝ Նարինե Գրիգորյանի Ձևավորումը՝ Վիկտորիա Ռիեդո-Հովհաննիսյանի Կոմպոզիտոր՝ Արմեն Շահինյան Երգերի բառերը՝ Սերգեյ Թովմասյանի Երաժշտական նվագակցությունը՝ HAMAZGAYIN BAND