Ասանաները նախապես իմանալ, ոտնաթաթի ճիշտ դիրքը հասկանալ կամ գլխի վրա կանգնել պետք չէ։ Տեխնիկան կուսումնասիրենք հենց սկզբից՝ սովորելով զգալ մարմինը, աստիճանաբար զարգացնելով ուժը, ճկունությունը, հավասարակշռությունն ու կոորդինացիան: «Սկսնակների համար» չի նշանակում, որ հեշտ է լինելու: ADHO-ն ինտենսիվ պրակտիկա է և մարտահրավեր: Երբ թվում է, թե էլ ուժ չկա, պարզվում է, որ մեր «չեմ կարող»-ը հաճախ պարզապես պատրանք է, և մարմինն ի վիճակի է շատ ավելիին։ Այդ ինքնաճանաչումն աստիճանաբար գորգից տեղափոխվում է նաև առօրյա կյանք: