Պատանի Թագուհին սովոր է, որ իր ամեն ցանկություն անմիջապես կատարվում է, և հրաման է արձակում՝ Ամանորին պալատ բերել մի զամբյուղ ձնծաղիկ։ Ձմռան բքի միջով Խորթ աղջիկը ճանապարհ է բռնում դեպի անտառ՝ ձնծաղիկներ գտնելու հույսով։ Անտառի խորքում՝ խարույկի շուրջ, նրան սպասում է հանդիպում Տասներկու ամիսների հետ։ Ողջ ընտանիքի համար նախատեսված հեքիաթ բնության օրենքների, բարության և անկեղծության մասին։ Ներկայացումը լուծված է որպես հեքիաթ, որը հորինում են իրենք՝ երեխաները՝ ձեռքով նկարված դեկորացիաներով, երգերով, պարերով և օրիգինալ երաժշտությամբ։ Չորրորդ պատ չկա. հերոսները խոսում են փոքրիկ հանդիսատեսի հետ, խորհուրդ ու օգնություն խնդրում նրանից։ Ռեժիսոր՝ Մհեր Զաքարյան Ներկայացման լեզուն՝ ռուսերեն և հայերեն Տարիքային սահմանափակում՝ 5+