Սառա Քեյնի պիեսի հիման վրա ներկայացում, որը նայում են դեմ առ դեմ։ Դեպրեսիայի դաժան ուղեկցությամբ ապրող մարդու բանաստեղծական մահվան գիրը։ Հանդիսատեսի առջև հայտնվում է մի կին, ով փորձում է դուրս պրծնել հոգեբանական թակարդից։ Հերոսուհու մենախոսությունները, հատվածական երկխոսություններն ու մտքերի ռիթմիկ պոռթկումները ներքաշում են հանդիսատեսին նրա ճաք տվող, որոնող ու դիմադրող գիտակցության մեջ։ Պլաստիկայի հետ միահյուսված հնչյուններն ու խոսքերը ներկայացումը վերածում են ինքն իր դեմ պայքարի ինտիմ ծեսի։ Հեղինակ՝ Սառա Քեյն Բեմադրիչ՝ Սուրեն Շահվերդյան Սցենոգրաֆիա՝ Արգիշտի Փիլոյան Դերերում՝ Աննա Պուշկինա, Արկադի Կոնովալով Տևողությունը՝ 1 ժամ։ Տարիքային սահմանափակում՝ 18+։