Հակոբ Պարոնյանի անվան երաժշտական կոմեդիայի պետական թատրոն

Երիտասարդ գործարարը նավաբեկության հետևանքով կորցնում է հիշողությունը։ Ո՞վ է նա, ինչպե՞ս է հայտնվում տարբեր իրավիճակներում և ինչո՞ւ է մի անծանոթ կին նրան հետապնդում ամենուր։ Գլխավոր հերոսը ոչինչ չի հիշում, իսկ ստեղծված իրավիճակից դուրս գալու միակ ելքը անցյալի հիշողությունն է։ Անհրաժեշտ է միայն հիշել «Սերն ու Նարինջները»։

Կատակերգություն մեկ գործողությամբ սիրո, դավաճանության և խճճված պատմությունների մասին: Բարձրահարկ շենքի 14-րդ հարկում երկու «երջանիկ» ընտանիքների կյանքը գլխիվայր շրջվում է: Ջոնը վերադառնում է տուն և կնոջը բռնացնում հարևանի հետ: Հնարամիտ սիրեկանը ներկայանում է որպես Բաբկեն՝ մեկ այլ հարևանուհու սիրեկան, որն իբր ցատկել է պատշգամբ՝ ամուսնուց փրկվելու համար: Բայց երբ պատշգամբում հայտնվում է իրական Բաբկենը և նույն պատմությունն է պատմում, վերջին հարկում իսկական քաոս է սկսվում: Իրավիճակն ավելի է բարդանում, երբ անհետանում է Ջոնի խորհրդավոր ճամպրուկը: Ո՞վ է ում սիրեկանը, և ի՞նչ կա ճամպրուկի մեջ: Ներկայացնում է՝ «Մենք» թատրոն:

Ժարկեցը Լյուբլյանայից ժամանում է ծովափնյա քաղաք Սպլիտ՝ հանդիպելու Կրեշեին, որպեսզի պատմի իր մեղսավոր կնոջ կատարած հանցագործությունների մասին և նրանք միասին որոշեն, թե ինչպես պատժել նրան։ Անհավանական նորությունները Կրեշեին դրդում են ինքնասպանության։ Կփրկվի՞ արդյոք Կրեշեն և թե ինչ պատժի կարժանանա նրա հանցագործ կինը՝ Դրագիցան, կպարզվի ներկայացման ընթացքում։ Միրո Գավրանի պիեսի հիման վրա բեմադրված այս շիլաշփոթ կատակերգությունը լի է զավեշտալի իրադարձություններով, որոնց ընթացքում պարզ է դառնում, որ միշտ պետք է սեփական կարծիք ունենալ, իսկ դժվար պահերին լսել նաև սրտին։ Դերերում՝ Մկրտիչ Արզումանյան, Արման Նավասարդյան, Էվա Խաչատրյան Բեմադրող ռեժիսոր՝ Նարինե Մալյան Տարիքային սահմանափակում՝ 14+

Այաս պարային դպրոցը ներկայացնում է բալետ մեկ գործողությամբ՝ հիմնված Լուիս Քերոլի հայտնի հեքիաթի հիման վրա։ Սա գունեղ պատմություն է, որտեղ իրականությունն ու երևակայությունը միահյուսվում են երաժշտության և պարի միջոցով: Ներկայացումը նախատեսված է ընտանեկան դիտման համար. վառ կերպարները կհմայեն 2 տարեկանից բարձր փոքրիկներին, իսկ բեմադրական լուծումներն ու նուրբ հումորը կհետաքրքրեն մեծահասակներին: Լիբրետոյի հեղինակ և բալետմեյստր՝ Ասյա Թադևոսյան Բեմադրող փորձավար՝ Հայկ Ավագյան Կատարում են Այաս պարային դպրոցի սաները Տևողությունը՝ 50 րոպե: