Ցուցահանդեսներ Երևանում

Թումո կենտրոն

Միացե՛ք Կատյարինա Դուբովիկի նկարչության աշխատարանին՝ խորանալու վիզուալ պատմությունների ստեղծման մեջ Alt July-ի շրջանակում: Գրանցում՝ learninglabs.am.tumo.world

Թումո կենտրոն

Ուրիշ հուլիսի շրջանակում նկարիչ Էնդրյու Զոյսը կանցկացնի նկարչության աշխատարան։ Դասընթացի ընթացքում մասնակիցները կխորանան նկարչության մեջ՝ ուսումնասիրելով Երևանի բակային միջավայրը։ Մասնակցության համար անհրաժեշտ է գրանցվել learninglabs.am.tumo.world կայքում։

Ticketon Armenia - Նոյան Հարբոր

Պոեզիայի և երաժշտության երեկո բաց երկնքի տակ։ Հայ դասական և ժամանակակից գրողների գործերը կհնչեն Սամվել Թոփալյանի և Սաշ Սուքիասյանի ընթերցմամբ։ Երաժշտական մասում՝ Սաֆարյան եղբայրներ (Արսեն Սաֆարյան և Արթուր Սաֆարյան)։ Մուտքը՝ 19:00 Սկիզբը՝ 20:30 Տոմսերի ամրագրում (WhatsApp)՝ 041 70 22 20 կամ զանգահարելով 091 19 11 00, 099 65 65 05։ Միջոցառմանը նախորդող 5 օրերի ընթացքում տոմսի վերադարձ չի իրականացվում։

Էթիկետի բարձրագույն դպրոց, Հայաստան - «Նաիրի» ռեստորան

Verbum գրքի ակումբի նոր հանդիպումը նվիրված է Դորիս Լեսինգի «Հինգերորդ երեխան» վեպի քննարկմանը։ Սա տարածք է գրականության շուրջ խորասուզված զրույցների և մտքերի փոխանակման համար: Հանդիպման առանձնահատկությունը. վերցրեք ձեզ հետ ձեր սիրելի գիրքը և համառոտ պատմեք դրա մասին: Արժեքը ներառում է նախաճաշ:

Շտուդիա - Պորտ Այաս

Եռօրյա ստեղծագործական արձակուրդ Սևանի ափին՝ PORT AYAS-ում: Ծրագիրը նախատեսված է նրանց համար, ովքեր ցանկանում են վերագտնել մանկության ճամբարային ազատությունը, զբաղվել գեղանկարչությամբ և հանգստանալ քաղաքի աղմուկից: Ծրագրում՝ • Պլենէր և սքեթչինգ. նկարում ենք լիճն ու բնությունը Юля-ի հետ: Բոլոր անհրաժեշտ պարագաները տրամադրվում են: • Ինտելեկտուալ և դերային խաղեր Лиля-ի հետ: • Արտ-թերապիա, առավոտյան մարզանք և երեկոյան խարույկի շուրջ հավաքույթներ՝ կիթառի նվագակցությամբ: Արժեքը՝ 80,000 դրամ: Գինը ներառում է ամեն ինչ՝ տրանսֆեր Երևանից, կացություն երկտեղանոց համարներում, օրական երեքանգամյա տնական սնունդ, ամբողջ ստեղծագործական ծրագիրը և նյութերը: Տեղը ամրագրելու համար անհրաժեշտ է վճարել 20,000 դրամ կանխավճար: Գրանցվելու համար գրեք կազմակերպչի Direct-ին:

A1 Art Cafe

Աննա Մեյնի «անցավ» էկզիստենցիալ վիպակի շնորհանդեսը։ Գիրքը պատմում է հերոսի մեկ օրվա մասին, որն անցկացնում է սեփական բնակարանում՝ տոտալ մենության մեջ, վերհիշում անցած օրերը և փնտրում ապրելու կամ մեռնելու պատճառներ։ Շնորհանդեսը կվարի հեղինակ-կատարող Արմինե Հայրապետյանը։ Գրքի մասին իրենց խոսքը կասեն՝ — Դավիթ Սամվելյան, արձակագիր, «Էդիթ Պրինտ» հրատարակչության գլխավոր խմբագիր — Անի Ղազարյան, Գրքի երևանյան միջազգային փառատոնի տնօրեն Գիրքը նախապես ձեռք բերելու համար կարող եք գրել [email protected] էլ. հասցեին։

Ժամանակակից արվեստի ինստիտուտ

«Մշակույթի լուսաբանում․ միջազգային փորձ» դասախոսությունների և աշխատարանների շարքի շրջանակում Ալեքսանդր Արխանգելսկին կանդրադառնա մշակութային երևույթների վերլուծությանը և արվեստի մասին գրելու հմտություններին: Ծրագրում ներառված են բաց դասախոսություն բոլոր ցանկացողների համար և երկօրյա ինտենսիվ աշխատարան նախապես գրանցված մասնակիցների համար: Միջոցառման լեզուն ռուսերենն է:

debatun - «Debed Life» հյուրատուն և հանգստի կենտրոն

Երկօրյա ուղևորություն դեպի Լոռի՝ բնության գրկում հանգստանալու և ստեղծագործելու համար։ Talking Candles-ի օգնությամբ կպատրաստեք սառը ըմպելիքի տեսքով կրեատիվ մոմեր (օրինակ՝ ice matcha latte)՝ օգտագործելով սոյայի և գելային մոմ։ Ծրագրում՝ • Մոմագործության workshop և բոլոր անհրաժեշտ նյութերը • Երեկոյան զրույցներ խարույկի շուրջ • Գիշերակաց Debatoun հյուրանոցում Արժեքը ներառում է երկկողմանի տրանսպորտ Երևանից, գիշերակաց և եռանգամյա սնունդ։ Մանրամասների և գրանցման համար զանգահարել՝ +374 77 753878 +374 91 340444

Noses of Yerevan - «Դարբին» գինետուն

Ծաղկաբույժի ուղեկցությամբ կստեղծեք ձեր սեփական ծաղկային հորինվածքը, որը կթարմացնի ձեր տունը մինչև 8 օր: Վարպետության դասից հետո կանցկացնենք օծանելիքի համտես՝ կլսենք լավագույն ծաղկային բույրերը և կզրուցենք ծաղիկների մասին պարֆյումերիայում: Մասնակցության արժեքը՝ 17 000 դրամ: DARBIN պրոմոկոդով՝ 15 000 դրամ:

Կոմիտասի անվան կամերային երաժշտության տուն

Գրական-երաժշտական երեկո, որտեղ միահյուսվում են խոսքն ու մեղեդին։ Հանդես կգան ՀՀ վաստակավոր արտիստ Արթուր Կարապետյանը, դաշնակահար Կարեն Անանյանը և ֆլեյտահար Մերի Մանուկյանը: Ծրագրում՝ Համո Սահյան, Միսաք Մեծարենց, Ռուբեն Սևակ, Վահան Թեքեյան, Հրաչյա Սարուխան, Ջուլիետ Գրիգորյան և Զուլո (Սամվել Զուլոյան): Միջոցառումը նախատեսված է 6 տարեկանից բարձր հանդիսատեսի համար։ Տեղեկությունների համար՝ (010) 52-67-18, (010) 58-60-46 կամ (055) 22-01-20:

Զանգակ հրատարակչություն - ք. Վանաձոր, Վարդանանց 25

«Զանգակ» հրատարակչության «Ամառային ընթերցանություն» ծրագրի շրջանակում բացահայտում ենք կարևոր արժեքներ գրքերի հերոսների օգնությամբ: Մասնակցության համար անհրաժեշտ է ձեռք բերել մասնակցության քարտ-օրագիրը գործընկեր գրախանութներից կամ zangak.am/amar կայքից:

Էօն թայմ-սրճարան

Փախչում ենք քաղաքի շոգից Aeon-ի «ծովային» և գունագեղ տոնավաճառին։ Ծրագրում՝ • Տեղական ձեռագործ բրենդների ցուցադրություն • Հետաքրքիր վարպետության դասեր • Հաճելի անակնկալներ ու ստեղծագործ միջավայր Եթե ցանկանում եք ներկայացնել Ձեր ձեռքի աշխատանքները որպես վաճառող, անհրաժեշտ է նախապես ամրագրել տեղը։ Մանրամասների և գրանցման համար կարող եք կապ հաստատել կազմակերպիչների հետ Instagram-ի միջոցով կամ bio-ում նշված հղումով:

Զանգակ հրատարակչություն - «Զանգակ» գրատուն

«Զանգակ» հրատարակչության «Ամառային ընթերցանություն» ծրագրի շրջանակում բացահայտում ենք կարևոր արժեքներ գրքերի հերոսների օգնությամբ: Միջոցառմանը մասնակցելու համար անհրաժեշտ է ձեռք բերել մասնակցության քարտ-օրագիրը Zangak գրախանութների ցանցից:

Երևանյան գրքի միջազգային փառատոն - Հանրապետության հրապարակ

Եվրոպական խոշորագույն պոեզիայի հարթակի շրջանակում քննարկվել են նաև Գրքի երևանյան միջազգային փառատոնի միջազգային համագործակցությունների ընդլայնման հեռանկարները։ Այդ նպատակով փառատոնի միջազգային ծրագրերի պատասխանատու Անահիտ Ղազախեցյանը մասնակցել է Ստեղծագործ Եվրոպայի «Վերսոպոլիս» միջազգային ծրագրի հանդիպմանը, որը միավորել է աշխարհի ավելի քան 20 երկրների ներկայացուցիչների։

Երևանյան գրքի միջազգային փառատոն - Հանրապետության հրապարակ

Մաս է Գրքի երևանյան միջազգային փառատոնի։ Մասնակցում են Hamlet Arakelyan, Woods Center, Երեմ Կարապետյան, Hasmik Simonian և Ani Tonoyan։

A1 Art Cafe

Արևիկ Մարտիրոսյանի լուսանկարների շարքն իր երեխաների մասին է՝ դիտված ներկայի հայացքով և արվեստի պատմությամբ ձևավորված տեսողական հիշողությամբ: Աշխատանքները նույն կադրում են միավորում անցյալն ու ներկան՝ ստեղծելով միաժամանակ ծանոթ ու նոր պատկերներ: Borrowed Light-ը խորհրդածություն է շերտավորված ընկալման շուրջ և այն մասին, թե ինչպես են հիշողությունն ու մշակութային հղումները ձևավորում մեր տեսողությունը:

Ազգային Տիկնիկային Թատրոն

Ani Aspeti-ի «Լույս» ծրագիրը ստեղծված է այն ստեղծագործություններից, որոնք փարոս են դառնում ներքին հարցերի համար և հնարավորություն են տալիս սրտում ապրող բոլոր զգացմունքներին արտահայտվել: Ծրագիրը նվիրված է ընտանիքին, սիրուն ու ընկերությանը, երազելու կարևորությանն ու սեփական ուժը հիշելուն, ինչպես նաև հավերժական արժեքներին: Առաջին անգամ Երևանում ծրագրի շրջանակներում կհնչեն նաև հայերեն բանաստեղծություններ:

Հայաստանի պատմության թանգարան

Բեռլինի «Թանգարանային կղզու» մի շարք թանգարաններից ընտրված բացառիկ հավաքածու՝ որի որոշ ցուցանմուշներ կհայտնվեն առաջին անգամ և համադրվելու են Հայաստանի պատմության թանգարանի հավաքածուի հետ։ Ծրագիրը մաս է կազմելու հիմնադրման 200-ամյակին նվիրված միջոցառումներին։ Համագործակցության շրջանակում նախատեսվում են նաև փոխադարձ ցուցադրություններ, փորձի փոխանակում և համատեղ գիտական ու մշակութային ծրագրեր։

NOPA. Ձայնային արվեստի փառատոն

NOPA փառատոնը վերադառնում է երրորդ անգամ՝ 9 օր շարունակ Երևանի տարբեր անկյուններում ներկայացնելով հնչյունային արվեստը: Նոր վայրեր, նոր դեմքեր տարածաշրջանից և դրա սահմաններից դուրս, նոր համագործակցություններ և նույն մղումը՝ ավելի խորը լսելու և վերաիմաստավորելու ձայնը:

A1 Art Cafe

Elvira Gimranova-ի դասախոսությունը:

A1 Art Cafe

Արա Հարությունյանի յուրաքանչյուր հուշարձանի հետևում թաքնված է ավելին, քան թվում է առաջին հայացքից։ Վարպետի թոռնուհին՝ Լիանա Ախինովա-Հարությունյանը, կպատմի, թե ինչպես է քանդակագործը փոխել քաղաքի դիմագիծը և ինչ իմաստներ է դրել իր ամենահայտնի ստեղծագործությունների մեջ։ Դասախոսությունն ուղեկցվում է գինու հյուրասիրությամբ։

ReA փառատոն

Prince of Persia խաղի ստեղծող, սցենարիստ և պատկերապատումների հեղինակ Jordan Mechner-ը ReA փառատոնի հյուրն է: Jordan Mechner-ը վիդեոխաղերի դիզայներ է, կինոգործիչ և պատկերապատ գրքերի հեղինակ: Նա 1989-ին ստեղծել է Prince of Persia համակարգչային խաղերի լեգենդար շարքը, որը հետագայում վերածվել է գրաֆիկական նովելի և Դիսնեյի կողմից էկրանավորվել որպես The Sands of Time:

ReA փառատոն

Հետադարձ հայացք ամենաթանկ պահերին, երբ աշխարհի տարբեր ծայրերից ժամանած մասնագետները հանդիպեցին ReA հարթակում՝ փորձի փոխանակման, անիմացիոն հմտությունների, արվեստի, կոմիքսների և բիզնեսի շուրջ զրուցելու և, ամենակարևորը, անխզելի կապեր ստեղծելու համար: Շնորհակալություն բոլորին մասնակցության և այս ամենն իրականություն դարձնելու համար: Կհանդիպենք շուտով ReA-ի 18-րդ թողարկմանը:

Show4me - Արամ Խաչատրյան համերգասրահ

Աննա Եգոյանի պոեզիայի երեկոն «Տրիգեր»՝ անկեղծ երկխոսություն զգացմունքների, հիշողության և ներքին ազդակների հետ: Բանաստեղծություններ և երաժշտություն, որտեղ յուրաքանչյուր բառն ավելի խորն է հնչում:

«Փյունիկ» արվեստի կենտրոն

Ներկայացնում ենք «Լուռ Ներկայացումը»: