Այս կանաչ, կարմիր աշխարհը

Հրանտ Մաթևոսյանի ստեղծագործության հիման վրա բեմադրված այս դրաման Սոնայի ու Դիլանի ողբերգական սիրո պատմությունն է։ Հիշողությունների խաչմերուկում բացվում են սերն ու տառապանքը, բնության լռուն գեղեցկությունն ու նրա անողոք դաժանությունը։ Դիլանը վերապրում է անցյալը՝ փորձելով անիրական մի ջանքով փոխել արդեն պատահածը։ Ներկայացումը հրավիրում է խորհելու ճակատագրի, պատասխանատվության, պատրանքների և իրականության չհատվող զուգահեռների մասին։ Բեմադրությունը և բեմանկարչությունը՝ Տաթևիկ Մելքոնյանի։ Դերերում՝ Գարիկ Առաքելյան, Զոի Սահակյան, Աննա Պետրոսյան, Հասմիկ Գյոկչյան, Լուսինե Հայրապետյան, Վազգեն Մկրտչյան։ Երաժշտությունը՝ Տիգրան Համասյանի։ Տևողությունը՝ 1 ժամ։ Տարիքային սահմանափակում՝ 16+։ Տոմսերի ամրագրման համար՝ (010) 58-01-99։