Ինտիմ զրույց-պերֆորմանս Կարինե Դավթյանի և Լավրենտ Հովհաննիսյանի հետ՝ նվիրված վերջին հինգ տարիներին համատեղ ստեղծված նրանց աշխատանքներին։ Արվեստագետները կպատմեն իրենց կոնցեպտուալ և նյութական պրակտիկայի մասին, և թե ինչպես են ճարտարապետական հետազոտություններն ու ճանապարհորդություններն ազդում իրենց ստեղծագործական մեթոդի վրա։ Զրույցը կզարգանա կենդանի պերֆորմանսի միջոցով. հեղինակները յուրաքանչյուր գործ կակտիվացնեն շարժական լույսով: Տարածական կոլաժների վրայով շարժվող լույսն ու ստվերները կվերափոխեն կոմպոզիցիաները՝ բացահայտելով անտեսանելին և փոխելով տարածության ընկալումը։ Միջոցառման վերնագիրը հղում է Ձյունյիչիրո Տանիձակիի համանուն էսսեին՝ ճապոնական էսթետիկայի և տարածության ընկալման մեջ ստվերների դերի մասին։