Ի՞նչ տեղի կունենա, երբ երկու տարբեր դիտանկյուններ դառնան ստեղծագործելու մեկ եղանակ։ Մարիամ և Անուշ Ղազարյանների համար ստեղծագործելու հիմքում մանկության տարիներից ձևավորված ընդհանուր լեզուն է՝ բնությունը, հպումը, հողը և աճող իրերի հանդեպ ուշադրությունը։ Այս դիտարկումները վերածվել են համատեղ փորձառության՝ հիմնված հոգատարության, նյութի ընկալման և գիտակցված սպառման վրա։ Ցուցադրության շրջանակներում նրանց երկխոսությունը բացվում է թելի, տպագրության և կարի միջոցով․ ձեռքի մաղատպագրությունը հանդիպում է ասեղնագործությանը, իսկ պատկերները վերածվում առարկաների։ Առաջին անգամ կբացվեն արվեստանոցի դռները՝ ցույց տալու աշխատանքի ընթացքը, փորձերը, ռիթմն ու ընտրությունները, որոնք սովորաբար մնում են ներսում։ Ցուցադրությունը կգործի մինչև հոկտեմբերի 23-ը։ Աշխատանքային օրերին՝ 11:00–20:00, ոչ աշխատանքային օրերին՝ 13:00–20:00։