Գանգսթեր Մաքը

Կրիմինալ կատակերգություն 2 գործողությամբ։ Գիշերային ակումբի պարուհի Մենդին, որը Լոնդոնի ամենահեղինակավոր գանգսթերի ընկերուհին է, սիրահարվում է կիրթ և ժպտերես Լերրիին։ Պատահական բուռն գիշերից հետո նրանք ընկնում են վտանգավոր շրջապտույտի մեջ, որի ընթացքում բացահայտվում են գանգսթեր Մաքի և նրա հանցավոր խմբի մութ գործերը, ինչպես նաև հատուկ ծառայությունների գաղտնի ծրագիրը։ Պատմությունը համեմված է պարային դրվագներով, զգեստափոխություններով և անսպասելի հանգուցալուծմամբ։ Տևողությունը՝ 2 ժամ (15 րոպե ընդմիջմամբ)։ 2026 թվականի հունիսից ներկայացումները կմեկնարկեն 19:30-ին։ Տեղեկացնում ենք, որ ներկայացման մեկնարկից հետո դահլիճի դռները փակվում են։ Ուշանալու դեպքում կարող եք ներս մտնել միայն ընդմիջման ժամանակ։ Խնդրում ենք թատրոն գալ առնվազն 15 րոպե շուտ։ Տարիքային սահմանափակում՝ 16+։