Արվեստի համաշխարհային օրը մի սեղանի շուրջ խոսում ենք արվեստի մասին։ Ամենից հաճախ արվեստասերները հիշատակում են արվեստագետների անունները։ Մինչդեռ բոլոր ժամանակներում այս ոլորտում զանազան այլ մարդիկ են գործել՝ մեկենասներ, գնորդներ և խորհրդատուներ, աճուրդների կազմակերպիչներ և գալերիստներ, համադրողներ և արտ-մենեջերներ։ Ինչպե՞ս է իրականում աշխատում արվեստի աշխարհը։ Ովքե՞ր են արվեստագետի միտքը հասցնում դիտողին։ Եվ որո՞նք են ոլորտի հիմնական մարտահրավերները Հայաստանում։ Այս ամենի մասին կխոսենք արվեստաբան, համադրող, ToC Creative Hub-ի համահիմնադիր Սոնա Հովհաննիսյանի, արտ-մենեջեր, ToC Creative Hub-ի համահիմնադիր Մարիաննա Աճեմյանի և PR-մենեջեր, Հայաստանում մշակութային ամենահեղինակավոր կառույցների PR-մասնագետ Ռոզա Գրիգորյանի հետ։ Մուտքը՝ ժպիտով և սրճարանի պատվերով: Լեզուն՝ հայերեն և ռուսերեն: Հանդիպման մասնակիցներին սպասում է անակնկալ տոնի առիթով։ Գրանցվելու համար կարող եք գրել էջին։