Հանրային դասախոսություն և ցուցահանդեսի բացում՝ նվիրված Ավետիք Իսահակյանի տուն-թանգարանի չուսումնասիրված հավաքածուին: Պոետի ձեռագրերի կողքին պահպանվող բուդդայական քանդակները, դաոսական աստվածություններն ու չինական իմաստունների պատկերները բացահայտում են նրա խորը հետաքրքրությունը Արևելքի մշակույթի և փիլիսոփայության հանդեպ: Հազվագյուտ արխիվային նյութերի հիման վրա առաջին անգամ կներկայացվի Իսահակյանի «նյութական» երկխոսությունը Չինաստանի հետ, որտեղ հայ պոեզիան և չինական հնագույն իմաստնությունը գոյակցում են մեկ տարածքում: Բանախոս՝ Անի Մարգարյան (PhD), Սուչժոուի համալսարանի Արվեստի դպրոցի հետդոկտորական հետազոտող, ChinArmArt հարթակի հիմնադիր: