Սիրով հրավիրում ենք Արփի Հարությունյանի «Վերածնունդ» ցուցահանդեսի բացմանը։ Այս ցուցահանդեսը հետպատերազմյան արվեստի մասին է՝ ծնված անձնական և կոլեկտիվ ճգնաժամերի միջավայրում։ Այն պատմություն է դադարից, լռությունից և նորից սկսելու ներքին ուժից։ Արտերկրից վերադարձ, պատերազմ, համավարակ — և մի քանի տարվա ստեղծագործական կանգ։ Վնասված աշխատանքներ, որոնք վերադառնում են, և դրանց հետ՝ վերականգնման անհրաժեշտություն։ Այս ցուցահանդեսը հենց այդ ճանապարհի մասին է։ Ցուցադրությունում ներկայացված են ինչպես նախկին, այնպես էլ նոր ստեղծագործություններ։ Կենտրոնական տեղ է զբաղեցնում «Փյունիկ կինը»՝ որպես վերածննդի և ստեղծագործական վերագործարկման խորհրդանիշ։ Եկեք տեսնելու, զգալու, և միասին անցնելու այդ ճանապարհը՝ դադարից դեպի նոր էներգիա։