Մուսա լեռան հարիսա՝ Կիլիկիա, Կապադովկիա, Միջագետք, Պորտասար, Նեմրութ, Արևմտյան Հայաստան

Դեպի Արևմտյան Հայաստան, Կիլիկիա, Մուսա լեռ, Միջագետք, Նեմրութ ամենահագեցած ու ամենահետաքրքիր երթուղին ենք Ձեզ ներկայացնում։ 10-օրյա բացառիկ ուղևորություն, որն իր հետաքրքրությամբ և յուրահատկությամբ տպավորիչ է։ Դուք այցելելու եք տասնյակ լեգենդար վայրեր՝ Կիլիկիան իր տպավորիչ բերդերով, խորհրդավոր Նեմրութը, կախարդական Կապադովկիան, առեղծվածային Պորտասարը, հերոսական Մուսա լեռը, Միջագետքի գոհար Մարդինը, տարբերվող Դիարբեքիրը, պատմական Ուրֆան, Այնթափը, Կեսարիան։ Այս ամենի հետ մեկտեղ բացառիկ այց կլինի նաև Տիգրան Մեծի մայրաքաղաք Տիգրանակերտ։ Ծրագիրը նախատեսում է նաև մեկօրյա ծովային հանգիստ Կիլիկիայի Կոռիկոսի ափին։ Ծրագիրը ներառում է՝ 4 և 3 աստղանի բարձրակարգ հյուրանոցներ (երկտեղանի համարներ), բարձրակարգ տրանսպորտ (Mercedes Sprinter/VW), 2 անգամյա որակյալ սնունդ (ընտրովի ճաշացանկով), պրոֆեսիոնալ գիդի ծառայություն (հայ թուրքագետ), տեսարժան վայրերի մուտքի տոմսերը (բացի Նեմրութից, Կոռիկոսից և Պորտասարից), Միջերկրական ծովում նավարկության վճարը։ Գինը չի ներառում վիզայի վճարը։ Ցանկացողները Կապադովկիայում կարող են նաև օդապարիկով թռիչք իրականացնել (լրացուցիչ վճարով)։