Որտե՞ղ են հնչում ամենաանկեղծ խոստովանությունները։ Երբեմն՝ ոչ թե ստանդարտ վայրերում, այլ ակումբների զուգարաններում, որտեղ բացահայտվում են մարդկային հարաբերությունների ամենաիրական կողմերը։ Այստեղ պատահական հանդիպումները վերածվում են անկեղծ զրույցների, գաղտնիքները՝ բացահայտումների։ Տարբեր տարիքի, բնավորության և ճակատագրի կանայք կիսվում են իրենց վախերով, սիրո պատմություններով, հիասթափություններով, երազանքներով և այն հարցերով, որոնց մասին սովորաբար բարձրաձայն չեն խոսում։ Ռուդոլֆո Սանտանայի պիեսը սուր, ժամանակակից, հեգնական և միաժամանակ հուզիչ պատմություն է մարդկային հարաբերությունների ու միայնության մասին։ Ներկայացում կանանց մասին, բայց ոչ միայն կանանց համար. - Դրամա մեկ գործողությամբ - Բեմադրությունը և գեղարվեստական ղեկավարումը՝ Հակոբ Ղազանչյանի