Բեմադրություն մանուկների և մեծահասակների համար՝ ըստ Լեոնարդո դա Վինչիի առակների ու հեքիաթների։ Հանճարեղ նկարիչը՝ խոհերով տարված, նկարում է ինքնամոռաց։ Հանկարծ նրա միտքը կենդանանում է, դառնում թիթեռնիկ և սկսում խոսել՝ բացահայտելով նկարչի ներքին աշխարհը: Գունագեղ և ուսուցանող խաղը բացահայտում է բնության օրենքներն ու օրինաչափությունները: Բեմի յուրահատուկ ձևավորումն արված է բնական կտավով՝ հնարավորություն տալով հերոսների հետ շրջել անտառով ու ճանաչել բնության հրաշքները: