Պարային ներկայացում հիշողության, ընտանեկան կապերի և սերունդներին միավորող փխրուն, բայց հզոր թելերի մասին։ Բեմում հանդիպում են տարբեր սերունդների արտիստներ՝ նրանց մարմինների, հիշողությունների ու կյանքի պատմությունների միջև ձևավորելով պոետիկ և խորապես մարդկային երկխոսություն։ Ժամանակակից և քաղաքային պարը համադրելով թատերական արտահայտչամիջոցների հետ՝ խորեոգրաֆ Ամալիա Սալը պատմում է այն մասին, թե ինչ է մնում, երբ հիշողությունները սկսում են խամրել, և ինչպես են սերը, հոգատարությունը, հումորն ու ապրումակցումը շարունակում միավորել մարդկանց։ Ներկայացումը ծերացման և Ալցհայմերի հիվանդության թեմաներին անդրադառնում է նրբորեն և լուսավոր հայացքով՝ հիշեցնելով, որ նույնիսկ երբ բառերն անհետանում են, մարմինը շարունակում է հիշել, հաղորդակցվել և սիրել։ Մուտքն ազատ է։