Վերելք դեպի Արագածի 4 գագաթ (Հյուսիսային՝ 4090 մ, Արևմտյան՝ 3995 մ, Արևելյան՝ 3908 մ, Հարավային՝ 3887 մ) և Անանուն գագաթ (3615 մ)՝ փորձառու լեռնասերների համար: Վերելքը սկսվում է Քարի լճից: Գագաթից հետո Գեղարոտի արահետով իջնում ենք դեպի արևելյան գագաթի ստորոտ, որտեղից էլ բեռնատարով՝ մինչև Արագած գյուղ: Երթուղու երկարությունը մոտ 18 կմ է, հարաբերական բարձրությունը՝ մոտ 1800 մ: Արշավը մաս է կազմում «10+1» և «Արագածի վարպետ» քվեստերի: Վերելքը բարդ է. պահանջվում է լեռնային վերելքների փորձ, լավ ֆիզիկական պատրաստվածություն, պարզ ժայռային անցումների և առանց արահետի երկար քայլելու պատրաստակամություն: Հանդիպման վայրը՝ Իսահակյան 35 (շրջանայինի SAS-ի մոտ), ժամը 03:00 (խնդրում ենք ներկայանալ 10 րոպե շուտ): Անհրաժեշտ պարագաներ. - ուսապարկ և արշավական ձեռնափայտեր - հարմարավետ արշավային կոշիկներ ու տաք հագուստ, փոխնորդ զույգ - քամուց պաշտպանող բաճկոն և անձրևապաշտպան թիկնոց - լապտեր - արևապաշտպան միջոցներ (ակնոց, քսուք, գլխարկ) - անհատական դեղատուփ - 1 օրվա սնունդ և ջուր (առնվազն 1,5 լ) Արժեքը ներառում է տրանսպորտը (ներառյալ բեռնատարը) և ուղեկցորդի ծառայությունները: Տեղերը սահմանափակ են (մինչև 18 մասնակից): Գրանցման համար՝ +37443004090, +37493850385 (նաև Viber, WhatsApp, Telegram): Գրանցումը հաստատվում է վճարումից հետո.